Okaana kokadona keedula 14 ke na oulema oka kwatwa onghonga Etivali efimbo lokonguloshi potundi 22h00 komukunda Oondjo dha Naango moshitukulwa shaShana.

Opolifi moshitukulwa shaShana oya hokolola tai ti omufekelwa ohava i shito keetundi dekongoleko nokaana edi hadi longelwa pongeleka yopomukunda wavo.

Opolifi oya ti eshi tava di kongeleka omufekelwa okwa lombwela okaana opo va kapitule eembapila domapulo keumbo nokonima ova ka kala veli meumbo va tula po omahokololo kombinga yashi va longwa kekoleko.

Vati omufekelwa okwa lombwela okaana kutya ote ka findikile keumbo, konima yefimbo shaashi ka kwali ta ka dulu okuenda oufiku oko akeke.

Opolifi oya hokolola tai ti eshi veli mondjila omufekelwa ta findikile okaana keumbo okwa tameka okudula okaana oikutu ndele tai nako moixulo mepya lambulavo.

Omufekelwa okuna eedula 15 hava di pomukunda umwe nokaana.

Omufekelwa okwa kwatwa po kopolifi Etitatu notakaholoka momangu yamengestalata Etitano.

Opolifi oya ti omakonakono otaa twikile.

– fhamalwa@nepc.com.na.