Omulumenhu weedula 28 okwa fya eshi a tuwa nombele kukaume kaye keengulasha donghela.

Oshiningwanima eshi osha ningwa lwopotundi 00h300 momukunda Ohangwena moshitukulwa Shahangwena.

Nakufya okwa tongolwa oye Salomo Immanuel Haihambo omukalimo womomukunda Onamwilwa.

Omukonakoni woimbuluma wopolifi moshitukulwa shaHangwena omupedu Commissioner Zacharia Amakali okwa hokolola ta ti ovalumenhu okwa li ve li pondingosho yedina New Page tava nu nakaume kaye hadi poushiinda shavo.

Vati ovalumenhu ova tameka tave liningi omashendjo, ashike omashendjo aa okwa shituka eenhangu. 

Opolifi oya ti okudja opo omufekelwa okwa kufa ombele yokapi ei kwa li homata ndele tatu kaume kaye monhulo.

Haihambo okwa twalwa koshipangelo shepangelo kEngela opo aka mone epango lopaunamiti ashike mupya munene ina fika ko koshipangelo. Okwa xulifila mondjila.

Omufekelwa omulumenhu weedula 17, okwa kwatwa po notakahokoloka momhangu yaHangwena Etine eshi ta pangulilwa oshibofa shedipawo.

Ovakwapata vaye ova shivifilwa efyo laye nomakonakono opolifi otaa twikile.

Opolifi onghee nga tai kunghilile oshiwana opo shi xulife po okuende noilwifo ya nyika oshiponga ngaashi eembele neendjebo keendingosho shaashi osha nyika oshiponga ngeenge omunhu a kolwa e na oshilwifo mokati kovanhu.

– fhamalwa@nepc.com.na