¦ Victoria Kaapanda

ONGWEDIVA-Omuhikingalo Omunamibia Hilarius Gabriel (23), a tseyika nawa nedhina lye lyomoongalo Chicel, okwa pititha okangalo kamwe hoka a li a hokwamo muungalo we mboka ta longekidha okupititha nuymvo, ta kati “Classic man”.
Chicel okwa ti mokangalo ke hoka a li a pititha omwedhi gwa yi okwa li a kwathelwa kaahikingalo ya tseyika nawa ngaashi VDK, Nox Mabone oshowo Camouflage.
Okwa li a gwedha po tat i okangalo ke hoka otaka gandja etumwalaka kaalumenutu ayehe kutya naya kale ya isimaneka ano ye shi okuya po nokuza po osho okuuulikwa onga omulumentu nokugandja oshiholelwa oshiwanawa.
Okwa li a londodha wo kutya nuumvo otapu ka tya pwaka, oshoka aaholi yoongalo dhe okwe ya longekidhila oongalo oombwanawa kaaku na we ndhoka dhi li moalbuma ndjoka ta ka pititha nuumvo muKotomba.
“Elalakano lyandje lyokuluka oalbuma yandje oondyoka kutya oalbuma yandje ndjika oyo tayi kala yotango ashike ondi li mondjila natango oku eta ooalbuma odhindji monakuyiwa, iinima iiwanawa oyi li mondjila natango”, Chicel ta ti ngaaka.
Okwa tseyitha kutya oalbuma  otayi ka kala yi na ehwata lyoongalo 14  ndhoka dhi li mumwe ano omaludhi ga yooloka, nadhimwe ndhoka opo ta thaneke a kapitithe  uuvidio omvula tayi ya.
Moongalo adhihe dhi li moalbuma okwa li a kwathelwa kaahikingalo ya yooloka ngaashi Filly-zo Namwater, Sillicon, K-doy, VDK, Crazy Boy, D-Square oshowo  Wiclip.
“Onda pandula kehe gumwe a kala nokupa ndje omukunmo okutsikila nokwiimba oongalo dhandje, kaandi hulile ondjilakati, oshowo kehe ngoka a li a kwathele ndje mokwiimba,,” Chicel osho a ti.
Kehe ngoka ta ka pumbwa okupulakena kokangalo ke hoka Classic Man oshowo  koalbuma ndjoka tayi hakanwa oshoka uungalo wu li mo uutoye unene,  na dhenge kongodhi 081 6141 467.