Okanona komimvo 13 anuwa oka si sho ka li omboga yokiilumbu inaay ipya momukunda Okomakiya.
Omukuluntu gwopolisi mOshitopolwa shaMusati Titus Shikongo okwa ti, oshiningwanima osha holoka mOlyomakaya lwopotundi 18h00 yokomatango momudhingoloko gwOnesi.

“Gumwe gwomaanegumbo  yokanona hoka, okwa li a piti ongula a kalonga moshikunino shimwe mOnesi,” Shikongo ta ti.
Hoka anuwa a li a zi noomboga dhimwe, a etelela kegumbo.
Otaku hokololwa kutya okanona hoka, oka li k alya omboga omanga inayi telekwa.

“Anuwa oka li ka tameke oku ehama mepunda, ihe sho aakuluntu ya ka thikama, okanona oka hulitha nale,” Shikongo a hokolola.
Otaku hokololwa kutya uunona uukwawo mboka kwali wali pamwe naye, owali wa falwa koshipangelo, ihe owuli monkalo yili nawa.
 Omakonaakono gwopolisi otaga tsikile.