Victoria Kaapanda

ONGWEDIVA-Opolisi moshiitopolwa shaShana otayi kongo omukiintu, ngoka a thigi okanona ta ka fekelwa ke na omimvo 3-4 lwaampoka, hoka ka li ka adhika miihwa yi li pooha dhopate momukunda Okakola momudhingololoko gwaNampila.

Omugandjimulombo nomugandji gomawuyelele gwopolisi moshitopolwa shaShana Inspekta Thomas Aiyambo okwa ti oshiningwanima shoka osha li sha lopotwa lwopotundi 21h00 ongulohi yOmaandaha. Okanona hoka oka li ka thigwa piihwa yi li popepi nopate momukunda Okakola oko akeke,” Aiyambo ta ti ngaaka.

Otaku hokololwa kutya okanona hoka oka li ka monika komuntu ngoka a li ta ende po, ihe kake shiwike edhina no kape na ngoka e na uuyelele kombinga yako. Ta ti ngashiingeyi oke li momake gaapangi, moshipangelo oshinene shaShakati.

Okanona hoka kake shi kupopya opo ka tumbule edhina lyako oshowo lyaakuluntu yako, ashike nando ongawo oke li monkalo yi li nawa.

Opolisi otayi pula ekwatho moshigwana ngele ope na ngoka e shi omukiintu e shiwikile okanona komimvo dhoka ihe keka na we opo ya kale ye shi lopota kopolisi yopopepi meendelelo.