New Era Newspaper

New Era Epaper
Icon Collap
...
Home / Okanonakadhona ka kwatwa koonkondo komumwayinamati

Okanonakadhona ka kwatwa koonkondo komumwayinamati

2021-10-26  Victoria Kaapanda

Okanonakadhona ka kwatwa koonkondo komumwayinamati
Top of a Page

Opolisi moshitopolwa shaMaheke oyi li metifa okukonaakona oshipotha, sho anuwa okanonakadhona komimvo 12 ka kwatwa koonkondo komumwayinamati.

Sha ikolelela kuuyelele wa gandjwa mepeko lyopolisi lyiiningwanima yomehuulilo shiwike, oshiningwanima shika osha holoka mEtitano, potundi 23h00 yuusiku momundhingoloko gwaGobabis.

Taku hokololwa kutya okanonakadhona hoka okali ka kwatwa komumwayinamati, ngoka oomvula dhe inadhi tseyika.

Okanonakadhona hoka anuwa  okwali ka kwatwa koonkondo sho kali ka kothele moshipundi she shofa. Okwa hokololwa kutya aamwiyinathana mboka, okwali taya tala oTv pamwe.

Omulumentu ngoka anuwa okwali a ponokele okamwayinakadhona omanga keli moomposi.

Otaku hokololwa kutya sho kapapudhuka otaka ningilwa omuyonena.

Nonando omakonaakono ngaka ogeli petameko natango, omufekelwa moshiningwanima shika ina mangwapo natango.

Moshiningwaanima natango shekwatongoka, aakandhona yomimvo 16 oshowo 17 anuwa okwali ya kwatwa koonkondo koongulasha dho lyOmakaya  moRehoboth.

Otaku hokololwa kutya aakadhona mboka okwali taya thindikilathana komagumbo, sho ya li ya tsakanekwa kaamati ye li yaali ta yeya pula iimaliwa.

Ta kuti, sho anuwa inayaandhika noshimaliwa, okwali ya lombwelwa ya ende yuuka  komeho, nokonima  yethimbo oya li ya ponokelwa kaalumentu mboka yaali, nokuyakwata koonkondo.

Otaku hokololwa kutya okwali ya mbandamekwa noombele dhoKapi, kutya ngele oya kugu otaya monithwa oshiponga.

Opolisi otayi indile moshigwana kehe ngoka ena uuyelele kombinga yoshiningwanima shika alopotele opolisi yi li po pepi.

Okwalopotwa natango okanonakadhona komimvo omulongo kali ka kwatwa koonkondo ethimbo kwali taka zi kosikola.

Oshiningwanima shika osha holoka moshanga shomutenya Etitano, momukunda Omahenge moshitopolwa shaHangwena.

Otaku hokololwa kutya okanona hoka okali kaadhika komulumentu kaake mushi, nokwali  alombwele okanona kemulandule sigo omepya, moka ekakwatele koonkondo.

Opolisi oya ndhindhilike omakwato koonkonga taga indjipala, unene mo kati kaanona.

Tayi kumagidha oshigwana shi ikaleke ko kule nokulonga omiyonena ndholudhi nduka, oshoka otashi yonagula po oonkalamwenyo dhaanona.

Ya gwedhapo kutya ekwato koonkondo ohali nkundipaleke omadhilaadhilo gaanona noku lundulula onakuyiwa yaanona.

– vkaapanda@nepc.com.na


2021-10-26  Victoria Kaapanda

Share on social media
Bottom of a page