New Era Newspaper

New Era Epaper
Icon Collap
...
Home / Omagumbo mOshakati otaga ka pombelwa

Omagumbo mOshakati otaga ka pombelwa

2020-10-26  Victoria Kaapanda

Omagumbo mOshakati otaga ka pombelwa

Omukuluntu gwomakwatathano mombelewa yelelo lyondoolopa yaShakati Katarina Kamari okwa kumagidha aakalimo yomoshitopolwa shaShakati ya longele kumwe, yo ya taambeko aanambelewa taya  ka pombele omagumbo gawo.
“Aanambelelwa mboka otaya ka enda egumbo negumbo, onkene naya tambulweko nesimaneko oshoka, shoka taya longo oshinasha nuuwanawa wetu, oshowo kehe megumbo namu kale hamuthigwa omuntu ngoka teya ya kula,” Kamari a kumagidha.

Elelo lyondolopa lyaShakati, palongelokumwe nuuministeli wuuhaku niilonga yonkalonawa, olya tameka noshikonga oshinene shokupombela omagumbo agehe gomOshakati shoka sha tamekele momasiku 19 gaKotomba nota kuka hula momasiku 11 gaDesemba nuumvo. 
“Okupombela otaku katameka okuza mOshakati shokuuzilo  sigo okOshakati sho kuuninginino, nomalukanda agehe ge li meni lyoongamba dhondoolopa yaShakati.  Ka pena egumbo ta li ka hupithwa ko,”Kamari ta ti ngaaka.

Kamari okwa ti, elalakano lyokupombela omagumbo, okukeelela omukithi gwoMalaria ngoka hagu zi unene moomwe. Nonande oomwe haadhihe tadhi kaya ngele omagumbo ga pombelwa,  ohadhi shonopala.
Ta ti, osha uka pethimbo lyomvula, mpoka oomwe hadhi indjipala, omolwa omeya noomwidhi.
Ta popi ta ti, Uuministeli owa kala hawu hawaleke oonete dhoomwe pethimbo ndika lyokupombela omagumbo omvo kehe, ihe nuumvo ita dhi ka gandjwa.

“Omukithi gwoMalaria ogwanika oshiponga. Ohagu faalele oomwenyo dhaantu onkene otuna okukambadhala opo tu vule okugu keelela. Aakwashigwana nayo naya longitho wo ikeeleli yena,  okukeelela omukithi ngoka,” Kamari a popi ngaaka.
Omagumbo ngoka otaga ka  pombelwa omasiku ga yooloka.Olukanda lwaPohamba 19-21 Kotomba , Evululuko 22-28 Kotomba, Oshikango 26 Novomba-01, Onawa 05-06 Novomba, Oneshila 09-13 Novomba  nOnawa 05-06 Novomba.

Pombela otaka tsikile kOontokele 18-20 Novomba, Ehenye 16-17 Novomba, Uupindi gokuninginino 23-25 Novomba,  Kandjengedi 29 Novomba-04 Desemba, Uupindi gokumbangalantu 02-04  oshowo Oshakati ashihe sho kuzilo 07 -11 Desemba.
Kamari okwa yelitha kutya omalukanda ngoka inaaga tumbulwa, itaga ka tsininwa oshoka, ka kwali ga lopotwa nando oshipotha shimwe sho mukithi gwoMalaria oku za 2017, a gandja oshiholelwa ngaashi olukanda lwaSky.


2020-10-26  Victoria Kaapanda

Tags: Khomas
Share on social media