New Era Newspaper

New Era Epaper
Icon Collap
...
Home / Omakwatokoonkondo onkene taga indjipala

Omakwatokoonkondo onkene taga indjipala

2022-10-12  Victoria Kaapanda

Omakwatokoonkondo onkene taga indjipala

 Omakwatokoonkondo moNamibia onkene taga indjipala, ngoka taga ningilwa unene aakiintu mwa kwatelwa aanona yeli kohi yomimvo. 

Opolisi yaNamibia oya ti, okuza omvo gwayi, omakwatokoonkondo oga holoka geli 1 208, omanga nuumvo okuza muJanuali sigo Juli mwa holoka omakwato koonkondo geli 501. 

Omumvo gwayi omwa holoka omakwato koonkondo ga ningilwa aakuluntu yeli 597. 

Aakiintu yeli 547 omanga aalumentu yeli 50. 

Ya fatulula kutya omvo gwayi aanona yeli kohi yomimvo yeli 611 oya kwatwa koonkondo. 

Aalumentu yeli 21 naakintu 590. 

Nuumvo omwa holoka omakwatokoonkondo geli 501. 

Aakuluntu yeli 256 oya kwatwa koonkondo moka aalumentu yeli 18 omanga aakiintu yeli 238. 

Ya gwedhapo kutya aanona yeli kohi yomivo, yeli yatano aalumentu naakiintu yeli 240 oya kwatwa koonkondo nuumvo, okuza mu Januali. 

Opolisi oya yelitha kutya, omwaalu ngoka gonuumvo, okuza ashike muJanuali sigo oJuni. 

Omugandji gomauyelele mUuministeli wokakwashike kookantu Lukas Hauf iku o kwa f a t u l u la ku t y a omakwatokoonkondo ohaga holoka nomatompelo gayooloka, sha ikolela kwaamboka haya longo iilonga mbyoka yinyanyalaleka, shoka sha kwatela mo ongeyo, oonkondo oshowo mboka yuuvite taya vulu okulongela aantu shoka ya hala. 

Ta ti, shoka otashi vulu okushonopala nenge okuhula po uuna oshigwana tashi tsikile okulongwa noku fatululilwa kombinga yuuthemba wa wo, noku tseya shoka yena okuninga uuna ya longelwa omiyonena ndholundhi ndoka. 

“Oshigwana nashi holole omakwatokoonkondo oshinima kaashili mondjila pomahala agehe kutya okiilonga nenge omomagumbo,” ta fatulula ngaaka. 

Oshigwana nashi hulithe po okutala ko omakwato koonkondo onga oshinima osho shina okukala, oshowo okugandja oombendhi kwaamboka ya ningi lwa omiyonena. 

Ta fatulula kutya ngele gumwe ha ningilwa omahepeko ngoka oto vulu okumundhimbulula momayihumbato ge, onkalo oshowo eholokopo lye uuna teya pokati kaantu. 

Ya ti, ngoka ena uundhigu wuli gaaka ihe ota nyengwa okuthika koosasiona ndhopolisi nandhenge konomola 106 nenge 611 oshali sha muhongi. 

Omuhingimwenyo muministeli wuundjolowele nonkalo nawa Josephine Apoopawa Kapweya okwa ti, omalongo kombinga yomakwatokoonkondo oga pumbwa okunkondopalekwa. 

“Aapolisi oshowo omahangano ga yoloka oga pumbwa okumanga uukumwe kumwe okulwitha omakwato koonkondo kaaga holoke momindhingoloko ndhawo,” ta ti ngaaka. 

Ta gwedhapo kutya onkalo ndyoka oya nyayikila, uuna gumwe a kwatwa koonkondo onkalo yomuntu ohayi lunduluka, ihayi kala we ya faathana. 

Ta ti, oshilalo shoka uuna sha holoka momuntu ihashi polo. 

Omakwato koonkondo oga pimbila noonkondo, kehe esiku oopolisi otayi lopota omakwatokoonkongo taga ningilwa aantu okuza kaanona sigo aakaluntu. 

Mehuulilo shiwike omukiintu gomimvo 18 omuAngola okwali a hekwa taka pewa iilonga, sigo a ka kwatwa koonkondo. 

Shoka osha holoka mOshakati moshitopolwa shaShana. 

Natango omukiintu gumwe okwali a kengelelwa noka tumwalaka kopangondhi, sigo a kwatwa koonkondo. 

Otaku hokololwa kutya omukiintu ngoka okwali atuminwa okatumwalaka ta hiywa koshituthi kumumwayinagona, anuwa. 

Sha ikolelela kopolisi yaNamibia, anuwa sho omukiintu ngoka ali athiki pehala mpoka, anuwa okwaadhapo omulumentu ngoka ta ti, okwatumwa emu ile, emu fale kumwayinagona. 

Otaku hokololwa kutya omulumentu ngoka okwali aponokele omukiintu ngoka nokumukwata koonkondo. 

Opolisi omwendhi gwayi oya lopota omukiintu ngoka ali akwatwa koonkondo omanga eli metegelelo lyivalelwa peni, moshitopolwa shaShana. 

Omakwatookonkondo oga ningi okangalo ka kehesiku, onkene opwa pumbwa oku etwa omatookolo ngoka taga vulu okushonopaleka nenge okuhilitha po iinangwanima yi li ngaaka. 

Ethano otali ulike ashike 

vkaapanda@nepc.com.na 


2022-10-12  Victoria Kaapanda

Share on social media