New Era Newspaper

New Era Epaper
Icon Collap
...
Home / Omalelo goondoolopa ga ndopa okufatulula elongitho lyoomiliona N$200

Omalelo goondoolopa ga ndopa okufatulula elongitho lyoomiliona N$200

2021-07-01  Staff Reporter

Omalelo goondoolopa ga ndopa okufatulula elongitho lyoomiliona N$200
Top of a Page

Omalelo ge li gane goondoolopa oga ndopa okugandja uuyelele nomishangwa dha uka komuyalulindjayi gwepangelo Junias Kandjeke nkene ga longitha oshimaliwa sha adha poomiliona N$213. Omalelo ngaka ogo elelo lyaTses, Ondangwa, Okahao noLeonardville, ngoka oolopota dhago dha li dha gandjwa momutumba gwopashigwana kominista yemona Ipumbu Shiimi. Ngoka a kwatela komeho yakwawo miilonga mbika yuunkundi elelondoolopa lyaKahao, moka osipana yomayalulo yaKandjeke inaayi vula okukwashilipaleka elongitho lyoshimaliwa shoomiliona N$96,1 pokati komimvo 2017 no2018. Omambo gawo itaga ulike uushili kombinga mpoka elelondoolopa ndika lya thikama pankatu yoshimaliwa. Elelo kali na omulandu gwolopota yoshimaliwa gu li pamuthika. “Onkene ekwashilipaleko lyomaliko galyo itali vulu okuningwa. Elelo kali na mpoka lya ndhindhilika omaliko galyo.
Elelo ndika olya tula wo pevi oondjo ndhoka tadhi vulu okukala inaadhi futwa noomiliona N$10 mo2018 noomiliona N$3,7 mo2017.

Kombinga yelelondoolopa lyaNdangwa, elelo inali vula okugandja nokufatulula nkene eyooloko lyoomiliona N$19,4 lyomaliko nankene oshimaliwa she ya mo nokuza mo; ano oomiliona N$18,2 dha etwa mo kookastoma noomiliona N$17,4 dha futwa aagandji yomayakulo.

Taku popiwa kutya uushili owo mboka kutya elelo ndika olya dhenge aayaluli yepangelo mombwa, sho aayaluli ya mono kutya oshimaliwa shoomiliona N$6,9 sha li inaashi tothwa mo puuwayela onga omagano kohi yomishangwa dhoshimaliwa sha pitilila nenge sha kolota moshikakomumvo shoshimaliwa sho2019.

Elelondoolopa ndika olya lombwelwa opo lyi kwashilipaleke kutya oondokumende adhihe odha pungulwa nawa nokugandjwa uuna taku ningwa omakonaakono gopashimaliwa. Miilalakanenwa omugoyi mbyoka ya simana elelo lya li lya hala okulalakanena mondungethaneko yawo yomimvo 2016-2021, oya adha ashike oopelesenda 11. Oya li wo ya lalakanene okushunitha pevi aayikuthili yevi nomwaalu gwo530, ashike oya pondola ashike omwaalu gut hike po54. 

Omalelo goTses naLeonardville nago wo inaga ulika omayalulo gomondjila.

“Aayaluli yepangelo inaya vula okukwashilipaleka uuyelele kombinga yomaliko gongushu yoomiliona N$16,5,” Kandjeke ta ti ngaaka kombinga yelelo lyaTses. -Nampa 


2021-07-01  Staff Reporter

Share on social media
Bottom of a page