Elelo lyondoolopa yaShakati otali kumagidha oshigwna shi ikaleke ko kule noku landa oopolota unene momapya, inaaya kwashilipaleka kelelo lyondoolopa, ngele ehala ndyoka olya landithwa nale.

Omupoliko gwelelo lyondoolopa yaShakati Katarina Kamari okwa ti, oye na iipotha oyindji yaantu taya kondjele omahala ye ga landithwa omanga ga landwa po nale kuMuni.

“Oshigwana na shi kale shi na uuyelele okuza kelelo lyondoolopa kutya, epya ndyoka inali landithwa po, oshoka ngele otwe li landa, itatu ka landulula ehala lwaali,” Kamari ta ti ngaaka.

Ndhoka okwe dhi popi sho kwali a gandja oshi holelwa shokOmpumbu, hoka kuna aantu taya landitha omapya kaakwashigwana ihe omapya oga landwa po nale.

Ta ti, omawupyakadhi gatya ngaaka, itaga ka kala geli miikaha yaMuni nando.

“Otu li metifa oku longekidha omahala ngoka twa landa nale kOmpumbo,” Kamari ta ti ngaaka.

Ta gwedhapo ta ti, ehala ngele olyi li miikaha ya Muni , kali na esiku lyi landithwe po, ihe ota li ka gandjwa momikalo dha faathana nomahala ngoka ga tembudhilwa aakalimo yomondoolopa yaShakati, ngaashi mboka yeli kOnawa.

Elelo lyondooplopa uuna lya thikama okulonga omahala ngoka lya landa nale, otali ka thikila aashike niilonga ya lyo, ngoka aadhika atunga po, omahala otaga kumunw po ashike. 

“Kehe ngoka ena ehalo lyoku landa ehala, omanga inaa gandja oshimaliwa na thike poombelelwa dhelelo lyondoolopa, oku yanda omawupyakadhi gwo ludhi ndoka,” ta popi ngaaka.

Otandi kumagidha wo natango aalandithi yomapya oshowo omahala, ya hulithe po oku landitha omahala iikando oyindji.

“Ta ti, uuna wa landitha ehala kuMuni, nashi huulile ashike  mpoka,  sigo Muni teya oku longa ehala ndyoka,” ta ti ngaaka.

Ta ti, kehe ngoka a taalela uupyakadhi wu li ngaaka, newu kandule po naangu a landa e hala kuye.

Elelo lyondoolopa olya landa omahala ngoka okuhumitha komeho ondoolopa yaShakati monakuyiwa.