New Era Newspaper

New Era Epaper
Icon Collap
...
Home / Omatwali eenhauki kEtunda otaa lokwa

Omatwali eenhauki kEtunda otaa lokwa

2021-11-22  Festus Hamalwa

Omatwali eenhauki kEtunda otaa lokwa
Top of a Page

Festus Hamalwa

Eenhauki daAngola oda da ngudumana pEtunda mOshitukulwa shaMusati otadi ti onghalo yado otai ende ya yuka kowii, eshi odula ya tameka okuloka.

Ovalumenhu ava novakainhu nounona vamwe ohandi nangala koshi yomiti omanga vamwe ohava nangala meenduda doitwali oyo nayo tai lokwa.

Eenhauki oda ti ohadi tadi lokwa unene, omanga ngeenge kuna omhepo ohadi kala ta tila nomayoka neendje.

Eshi Kundana a talela po pEtunda oshivike shadja ko eenhauki oda hokolola ta di ounona vavo ohava fi outalala shaashi oikutu omakumbafa neembete ohadi kala lokwa

Oshiwana shovAngola osha ti noikulya nayo ohai nyonaunwa kodula, unene tuu oukutu voufila.

Umwe womeenhauki dovAngola okwa ti pefimbo ohava kayaama odula  nangala pomatala eekamba domalodu dopEtunda nounona vavo shaashi oitwali yavo ohai kala ya talama omeva meni. Eenhauki otadi indile keepangelo laNamibia opo li va ningile oubashu ile etala linene loipeleki shaashi paife odula oya pimbilila.

Oda ta ti oda pandula epangelo laNamibia eshi la kala nokuvafila oshisho okudja ketameko lomudo eshi da mbolokotela moNamibia.

Omwaalu wovAngola owa londa unene pombada paife ashike onghee ngaho tadi twikile nokumbolokotela pEtunda efiku keshe, nopaife itadi wana po vali ponhele opo kwali da tulwa.

Ngoloneya woshitukulwa shaMusati Erginus Endjala okwa ti ombelewa yaye kai ina kutya otai ningi po shike shaashi kape na sha oshimaliwa shokutungila eenhauki eebashu.

Endjala okwa ti otai indile oshiwana, ovanangeshefa, ovaleli vopapolitika opo veu ye va yambidida eenhauki.

“Ombelewa yange oya didilika onghalo muna eenhauki paife eshi tadi lokwa ashike otwa talela eshongo loikwafifo opo tu dule oku yambidida eenhauki edi,” Endjala ta ti.

Ngoloneya okwa ti okwa ninga eenghendambala okulopotela epangelo laAngola ashike ina mona enyamukulo kombinga nghee eenhauki dina okuyambididwa.

fhamalwa@nepc.com.na


2021-11-22  Festus Hamalwa

Share on social media
Bottom of a page