New Era Newspaper

Icon Collap
...
Home / Omudhani gwiinyandwa Kayemele ta hwahwameke oongeshefa

Omudhani gwiinyandwa Kayemele ta hwahwameke oongeshefa

2021-03-23  Victoria Kaapanda

Omudhani gwiinyandwa Kayemele ta hwahwameke oongeshefa
Top of a Page

Omudhani nyandwa Shinana George, 29, a tseyika nawa nedhina Kayemele okwa ti, kakele kokudhana iinyandwa nokuyolitha oshigwana, oha kwathele okuhwahwameka oongeshefa.

Kayemele ngoka e hole omupopyo tagu longithwa olwindji kaanyasha  “Ondonga opo tayi kala”, okwa fatulula kutya okwa li e ya po nasho okusimaneka  nokutumbaleka Ondonga.

“Ondonga opo tayi kala, osheetwa po shandje mwene. Andi tumbaleke Ondonga yetu, okuza komizalo, eputuko osho wo eitaalo,” a fatulula ngaaka.

Ta ti, okwatseyika nawa tango sho a tameka okupopya ngaashi omuhikingalo a simana The Dogg oshowo Exit.

Kameyele okwa ti, okwa yambukile momukunda Onayena mOndonga.

“Oshili nashi popiwe, tse Aandonga otu na otsinu, ohatu zala oonguwo, nonando owe tu hiya poshituthi shontumba, ohatu thigi po omadhina getu,” Kayemele ti itanga ngaaka.

Ta ti, oha kwathele okuhwahwameka oongeshefa dholudhi kehe. 

“Ondi na ohokwe okukala te gandja iipopiwa yokutsa omukumo aalongwa oshowo oku ya fatululila onakuyiwa,” ta ti ngaaka.

Pethimbo ndika Kayemele okwa kutha ombinga mokuhwahwameka ethigathano mehangano lyoWinfast Namibia, moka omusindani gwotango ta sindana N$50 000 nomutiyali N$100 000 omanga gwa hugunina ta sindana ohauto yo Polo.

Kayemele okwa ti, ethigathano ndyoka olya mangulukila kehe gumwe oshilongo ashihe notali ka hula pehulilo lyaApilili nuumvo.

“Shoka wa pumbwa okulanda okatekete ke na N$100 opo wu ye methigathano. Ngoka ta ka ninga omunelago okuhogololwa mo ota ka sindana shimwe shomomagano gatatu,” Kayemela ta ti ngaaka.

Ta gwedha po ta ti, uutekete otawu adhika poombelewa dhawo moWindhoek West dha taalelathana noombelewa dhaSisa Namandje.

Kayemele okwa ti, mboka ye li kondje yoshilando, otaya vulu okukwatathana naye kongodhi ye yopeke  081 2452 719.


2021-03-23  Victoria Kaapanda

Share on social media
Bottom of a page