New Era Newspaper

New Era Epaper
Icon Collap
...
Home / Omugundjuka a hepekwa paihulo, ota gamenwa kepangelo

Omugundjuka a hepekwa paihulo, ota gamenwa kepangelo

2020-05-15  Loide Jason

Omugundjuka a hepekwa paihulo, ota gamenwa kepangelo

Omukiintu omugundjuka gwoomvula 19 ngoka a kala nokumonithwa iihuna kaapambele ye noshowo kugumwe gwomaashiinda she ota ka kuthwa po paakwanezimo ye, e ta ka kala kegumbo lyepangelo manga omakonaakono moshipotha shoka taga hulu.
Ndhika odha popiwa kominista yUukashikekookantu Doreen Sioka ngoka a hokolola kutya oshiningwanima shoka otashi halutha noshikumithi unene sho sha longwa kaapopepi nanakungilwa omuyonena mboka ya li ye na okukala ye mu gamena.

Otaku hokololwa omugundjuka ngoka gwothigwa ngashiingeyi e li monkalo yi vule oonkondo dhe sho ta monithwa iihuna kaakwanezimo ye momukunda Ohepa moshikandjohogololo Omulonga moshitopolwa shaHangwena.

Siyoka ta ti oku li monkumwe onene nokweeta ohenda, naashoka tashi limbilike mehokololo ndyoka osho shoka kutya, aanambelewa mboka inaya kutha onkatu yomeendelelo opo ya gamene omukwashigwana ngoka ita vulu okwiigamena ye mwene.
Sioka okwa tsikile ko ta ti epangelo oli na omagumbo gaantu mboka taya ningilwa omiyonena dholudhi ndoka gopakathimbo nomukiintu nguka oko ta ka kala manga omakonaakono moshipotha moka taga pu.

“Kandi shi shi kutya omolwashike aantu yetu ngashiingeyi ya kwatwa kombepo yokuningila oothigwa omunyonena. Aantu mboka ya pumbwa okukala ya gamena nokuhekeleka oothigwa onkene ngaa ne ngashiingeyi oyo ta ye ya monitha iihuna,” minista ta ti ngaaka.
Okwa li woo a popi kutya paife okanona ka nakuningilwa omuyonena hoka otaka ka shangithwa ngaa nee iimaliwa mbyoka hayi kwatwa kuunona waakwanaluhepo noshowo oothigwa.

Omukuluntu gwopolisi Inspector General Sebastian Ndeitunga naye woo okwa ya mo olunyala moshiningwanima shoka ta ti opolisi yaNamibia otayi si oshipmwiyu kutya omukiintu ngoka okwa gamenwa.
“Out na okugamena omukiintu ngoka noshowo oku mu kwathela opo a wape okupatulula oshipotha yo mboka ya longa omuyonena ya ungaungwe nayo koveta,” osho Ndeitunga a hokolola ngaaka.

Omukiintu nguka inaa enda mosikola nkene a valelwe, okwa li a lombwele oshikundaneki shika mongodhi, kutya okwa tameke okuhepekwa kaamwayinagona sho a li a tembukile koohekulu momumvo 2018 konima sho mbushe ngoka a li e mu tekula uule woomvula 17 a li e mu laleke megumbo lye.

Okwa li a popi kutya okwa kala nokuya miihulo miihwa naamwayinagona yaali sho okanona ke ka li ke na oomwedhi, ta ti oshinima shika okwe shi lopota  kuyinakulu osho wo kuhekulu nelalakano lyokugamenwa. Ashike aakulupe mbaka yaali anuwa oya kala nokugama kombinga yaamboka taye mu ningile omahepeko ngoka gopaihulo, gumwe gomaamwayinagona okwa li a zi mo megumbo sho aashiinda ya tseya oshinima shika.  

“Konima yoku ya nangame miihulo, aamwamemegona ohaya ka tala omushiinda e ye wo a ye nangame miihulo, nuuna nda tinda ohaya dhenge ndje nokutya kandi na mikalo, shoka osha li nduno sha thiminike kuku a ithanene ndje tatekulu omumwayina gwameme e ye a kuthe ndje odhino,” ta fatulula ngaaka.
Nakuningilwa omahepeko ngaka oku na okanona koomvula mbali, nokwa li a popi kutya olundji oha lala poshipale nokamwanamati oshoka okwa tila okudhengwa megumbo.


2020-05-15  Loide Jason

Tags: Khomas
Share on social media