New Era Newspaper

New Era Epaper
Icon Collap
...
Home / Omukainhu a dipaa suwala shaye

Omukainhu a dipaa suwala shaye

2022-01-17  Festus Hamalwa

Omukainhu a dipaa suwala shaye

Omukainhu weedula 39 okwa kwatwa po kopolifi Etitatu eshi a dipaa suwala shaye nombele yokapi efimbo lomutenya potundi 14h00 lolukanda Ekutulatika  modoolopa yaWalvis Bay.

Nakufya okwa tongolwa oye Leonard Geiseb, omulumenhu weedu 31.

Omupopiliko wopolifi moshitukulwa Erongo Inspector Ileni Shapumba okwa hokolola ta ti omufekelwa okwa lundilwa kusuwala shaye kutya oha kufa mo oinima meumbo ndele teke i landifa po keendingosho.

Okundja opo vati ova kala ngaa hava tanguna shito ngeenge va shakena poundingosho.

Etitatu omufekelwa okwa hanga suwala shaye eli pomatala kolukanda Ekutulatika ndele ta tameke okukala tataa suwala shaye ekwete ombele, nokonima okwa katwa suwala shaye nombele loikando itano fiyo ta xulifile ponhele opo.

Olutu laye ola twalwa kokila yopolifi yaWalvis Bay opo li ka ningilwe omakonakono.

Ovakwapata vaye ova shivifilwa efyo laye nomakonakono opolifi otaa twikile. Opolifi oya kunghulila oshiwana opo shi xulife po onghalo yokuya noilwifo ya nyika oshiponga keendingosho shaashi oha shi dulu okueta oiponga ngaashi omalidipawo ile okulemanekwa.

– fhamalwa@nepc.com.na


2022-01-17  Festus Hamalwa

Share on social media