Omukainhu weedula 46 okwa fya eshi vati a wila momulamba tau kunguluka omeva onyata mOmaandaxa kolukanda Wanaheda moWindhoek efimbo lokonguloshi.

Nakufya okwa tongololwa oye Mathlide Shatimwene ha di molukanda laHavana.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti Shatimwene okwe lituwa kovakwashiwana eshi kwa li tava ende ponhele opo.

Vati otaku fekelwa kutya omukainhu na kale pamwe a wila momulamba pefimbo kwa li ta ende koshilyatelelo osho haku ende ovanhu ngeenge tava tauluka omulamba oo.

Opolifi oya ti eshi ovanailonga vouhaku va fika ponhele opo ova hanga nale a xulifa.

Kape na ouyelele wa wedwa po, onghee omakonakono opolifi otaa twikile.

Olutu laye ola twalwa kokila yopolifi novakwapata vaye ova shivifilwa.

Opolili oya kunghilila oshiwana opo shi kal;e sha kotoka ngeenge tashi ende pomataulukilo omilamba opo ku kelelwe oiponga yomafyo noshoyo okulemana.

Opolifi oya weda po tai ti oshiwana nashi li kale ke kokule nokuta uluka omilamba ngeenge sha nwa omalodu.

– fhamalwa@nepc.com.na