New Era Newspaper

MTC Shares
Icon Collap
...
Home / Omukainhu nounona vaye va pila mobashu

Omukainhu nounona vaye va pila mobashu

2021-09-07  Festus Hamalwa

Omukainhu nounona vaye va pila mobashu
Top of a Page

Omukainhu weedula 27, pamwe nounona vaye vavali voumati ova fya eshi va pila mobashu yavo yokunangala Oshoondaxa potundi 23h20, kolukanda lwaKuvukiland Block modoolopa yaTsumeb. 

Nakufya okwa tongolwa oye Maenga Mayambi, a dile kUtjova koshitukulwa shaMukwe.

Deputy Commissioner wopolifi moshitukulwa shaShikoto Petrus Shigwedha okwa hokolola ta ti ovaashinda ova mona ashike obashu ya Mayambi tai pi ya tema omundilo nale, nokonima oshiwana osha lopotela opolifi.

Shigwedha okwa ti eshi opolifi ya fika pobashu ei tai pi oya hanga nale obashu aishe ya pya po, omo ta ku kohololwa kutya omwa pila omukainhu nounona vaye voumati veli vavali.

Opolifi oya ti okaana kamwe okena odula imwe omanga kakwao okena eedula nhee.

Shigwedha okwa yelifa ta ti kapena ouyelele kutya omundilo oweetifwa kushike, ashike ovaashinda ova hokolola tava ti kutya mwene wobashu okwa kala ena oupyakadi wokulongifa omalodu ahapu. 

Onghee ovaashinda otave li pula kutya pamwe omukainhu okwa li a longifa omalodu opo obashu yaye ipye po, shaashi okwa li a monika efimbo lokomatango eli pondingosho nounona vaye aveshe.

Omalutu oonakufya okwa twalwa kokila yopolifi moTsumeb opo a ka ningilwe omakonakono.

Opolifi oya ti ovakwapata voonakufya ova shiivifilwa omafya avo, nomakonakono opolifi otaa twikile.

Shigwedha okwa kunghulila oshiwana opo shi kale shili oupafi nomundilo unene tuu ngeenge sha nwa omalodu shaashi osha nyika oshiponga neenghono.


2021-09-07  Festus Hamalwa

Share on social media
Bottom of a page