New Era Newspaper

Header ads
Icon Collap
...
Home / Omukainhu ta fekelelwa edipao lovana koEthiopia e ya keumbo 

Omukainhu ta fekelelwa edipao lovana koEthiopia e ya keumbo 

2021-04-07  Staff Reporter

Omukainhu ta fekelelwa edipao lovana koEthiopia e ya keumbo 
Top of a Page

Kristofina Amutenya (34), omukainhu Omunamibia oo a kala modolongo koAddis Ababa okudja muDeseba womudo wa dja ko molwedipao lounona vaye, okwa fika nota pangulwa momhangulilo yaMangestalata moWindhoek. 

Amutenya okwa hokololwa vati a londa odila omudo wa dja ko, nokuya koEthiopia oko aka dipaela ounona vaye Jenay (9) naJane Haufiku (3), e shi ningila meumbo omo ounona va li hava kala naxe oo omunadiplomate koshilongo oko. Okaana okatitatu, vati oko ka xupa, koo ka dalwa ashike komusamane, koo vati oko ka ka lombwela opolifi kutya ina oye a dipaa oundenge, nokwa li yoo ta kendabala oku ka adipaa. 

Okwa hokololwa Amutenya nomusamene waye oo oye xe younona va li va taalela omakuyunguto mohombo pefimbo loshiningwanima. Amutenya vati okwa hangwa a kanifa omaefelo opaveta opo a kale nounona, nova pitikwa va kale metonatelo laxe. Amutenye ye okwali ashike a pewa oufemba woku va talela po.  

Omukulunhu koshikondo shomauyelele nokuninga omapekaapeko kouministeli womakwatafano opaiwana Bertha Amakali mOmaandaxa okwa shivifa kutya  Amutenya ota holoka momhangu moNamibia mEtivali, konima eshi ombelelwa youkalelipo shilongo yaNamibia koEthiopia ya pondola meenghundafana noveta moEthiopia opo Amutenya e uye keumbo. 

“Amutenya okwa fika  momafiku 5 Apiilili pokapale kaHosea Kutako moWindhoek. Oku li momake opolifi yaNamibi,” Amakali ta ti.


2021-04-07  Staff Reporter

Share on social media
Bottom of a page