New Era Newspaper

New Era Epaper
Icon Collap
...
Home / Omukeeleli gwo maliko ayi ontuku niimaliwa N$300 000

Omukeeleli gwo maliko ayi ontuku niimaliwa N$300 000

2021-09-20  Victoria Immanuel

Omukeeleli gwo maliko ayi ontuku niimaliwa N$300 000

Opolisi yaNamibia otayi indile moshigwana shi lopotele opolisi yili po pepi, ngele ya mono omulumentu gwedhina Richard Oxurub ngoka anuwa a matuka po noshimaliwa shithike N$300 000.

Sha ikolelela kepeko lyopolisi, Oxurub omuniilonga gwehangano lyokukeelela omaliko lyoG4S, no kwali amatuka po niimaliwa mbyoka omanga eli miilonga opamwe naaniilonga aakwawo.

Otaku hokololwa kutya ehangano ndyoka lyokukeelela omaliko lyoG4S, okwali lya pewa iimaliwa koombanga onene yaBank Windhoek mSwakopmumd, opo lyi ka tule uushina wiimaliwa uushina iimaliwa momudhingolo gwErongo.

Opolisi oya hokolola kutya aanilonga manga kwali taya tula iimaliwa mokashina okashona pehala ta li ithanwa Ocean view, Oxurub okwali athigwa mo hauto niimaliwa N$300 00.

Tayi ti, aanilonga aakwawo sho ya galuka, oya adha omulumentu ngoka aya ontuku niimaliwa mbyoka.

Iimaliwa mbyoka okwali ya nuninwa okashina okashona ko kunana koArandis.

Otaku hokololwa kutya opolisi oya ninga onkambadhala okukonga omulumentu ngoka momudhingoloko, ihe oya huulile muunyengwi.

Opolisi otayi indile moshigwana kehe ngoka ena uuyelele kombinga yomulumentu ngoka adhengele opolisi yi li po pepi naye, nenge Dective Chief Inspector Daniel Gurirab 081 233 3745 oshowo Dective Inspector RosaTjihavero 081 413 7105.


2021-09-20  Victoria Immanuel

Share on social media