New Era Newspaper

New Era Epaper
Icon Collap
...
Home / Omukeeleli womaliko osho a kwatwa po kopolifi

Omukeeleli womaliko osho a kwatwa po kopolifi

2021-09-24  Festus Hamalwa

Omukeeleli womaliko osho a kwatwa po kopolifi
Top of a Page

Richard Oxurub ou ha longo anga omukeeleli womaliko kehangano lo-G4 Security weedula 35, okwa kwatwa po kopolifi onghela mEtine efimbo longula kolukanda DRC moSwakopmund.

Opolifi oya ti omufekelwa okwa hangika ashike e na oshimaliwa shi fike N$12 800.

Omupopiliko wopolifi moshitukulwa Erongo Inspector Ileni Shapumba okwa popya ta ti opolifi oya ninga omafiku tai kongo omufekelwa konima eshi kwa li a faduka po noshimaliwa shi fike N$300 000, Olomakaya lomafiku 20 Sepetemba neudo.

Omufekelwa okwa li ta longo pamwe navakwao tava tula oimaliwa peenhele da yooloka dokunanena oshimaliwa domomudingonoko Erongo.

Shapumba okwa hokolola ta ti ovanailonga ava kwa li tava longo pamwe nomufekelwa efiku olo, manga kwa li tava tula oshimaliwa meshina lombaanga omufekelwa okwa faduka po noshimaliwa eshi kwa li a kalela motuwa.

Ovanailonga vakwao eshi ve u ya kotuwa ovahange nale Oxurub a faduka po nokashako omu kwa li mu na oshimaliwa.

Oshimaliwa okwa li sha nuninwa okutwala ke shi na lombaanga lokunana koArandis.

Opolifi oya ti otai konaakona ngeenge oshimaliwa shimwe okwe shi longifa po ile oshi na a pa sha holekwa.

Shapumba okwa ti omakonakono opolifi ota twikile opo kukongwe oshimaliwa shikwao eshi inashi monika kopolifi.

fhamalwa@nepc.com.na


2021-09-24  Festus Hamalwa

Share on social media
Bottom of a page