New Era Newspaper

Icon Collap
...
Home / Omukulupe (70) miipandeko sho a dhenge okatekulu shi nyanyaleka

Omukulupe (70) miipandeko sho a dhenge okatekulu shi nyanyaleka

2021-04-28  Victoria Kaapanda

Omukulupe (70) miipandeko sho a dhenge okatekulu shi nyanyaleka
Top of a Page

Omukulupe gwomimvo 70, ngoka e li mokavidio taka taambathanwa komalungula anuwa sho a dhenge okatekulu ke komimvo heyali okwa mangwa pokomiya dhaShinana.

Omupolilko gwopolisi moshitopolwa shaHangwena Inspekta Kaume Itumba okwa ti, oshiningwanima shoka osha holoka Etitatu lya zi ko, nonando okanona oka li taka holekwa.

“Kuuyelele mboka twa mono po, okanonamati hoka anuwa oka li ka dhengwa sho ke ethele iimuna mepya. Oshipotha shomahepeko osha li sha patululilwa omukulupe, nehokololo ndika okwa li lya etwa puuyelele komukuluntusikola mpoka hapu hiti okanona,” ta ti ngaaka.

Otaku hokololwa kutya okanona hoka oka valwa komonamati gwomukulupe ngoka, a hulako nale, omanga yina yokanona ke shiwike mpoka e li, nonando otaku hokololwa kutya okwa fa e li kuushimba.

Okanona hoka oke li miikaha yaahungimwenyo manga.

Shika osha holoka omasiku omashona, sho omupolisi a li a dhenge nokuthangagula omukwashigwana ngoka e na uunkundi wokupopya moshitopolwa shaKunene.

Sha ikwatelelea kepeko lyopolisi, omupolisi ngoka ina kuthwa mo miilonga pakathimbo natango, oshoka anuwa omakonaakono oge li metifa.

Oshiningwanima shoka okwa li sha holoka oshiwike sha zi ko mOsoondaha. 

Okavidio hoka okwa li ka taambathanwa komalungula, taka ulike omupolisi ta thangagula omukwashigwiana moshitaasi shopolisi.

Omapeheko gomomagumbo oshowo moshigwana otaga holoka mokati koshigwana, ihe oyendji kaye shi mpoka ye na okuya, opo ya mone omakwatho.

Natalia Nangolo omuhungimwenyo okwa ti omahepeko oga yooloka.

“Omahepeko ohaga yonagula uuluyi osho wo onkalamwenyo yomuntu, onkene oge na okulopotwa opo omuntu a mone omakwatho omanga kuyele,”  ta popi ngaaka.

Aantu oyendji ya taalela omahepeko ohaya mbandamekwa kwaamboka taya ga ningi opo kaaya popye omawupyakadhi ya taalela.

“Omuntu e li muupyakadhi wu li ngaaka oto vulu oku mu dhimbulula ethimbo limwe oshoka ohaya kala ye na uukwatya wi ili kooyakwawo. Oyendji ohaya kala ya mbandapala ethimbo alihe, yamwe otaya pugalala omanga yamwe  ye hole okwiikalela,” a fatulula ngaaka.

Nangolo okwa kumagidha kehe ngoka e na omawupyakadhi goludhi lwomahepeko, opo a thike poombelelwa dhuuministeli wuukakwashikekookantu, opo ya mone omakwathelo mbala.

Ta ti, aantu yamwe ohaya ikutha oomwenyo omolwomahepeko ga yooloka ya taalela, oshoka oye uvite kutya kapena ngoka te ya kwathele.


2021-04-28  Victoria Kaapanda

Share on social media
Bottom of a page