New Era Newspaper

New Era Epaper
Icon Collap
...
Home / Omukulupe (72) e na oudu wopamadilaadilo a kwatwa onghonga

Omukulupe (72) e na oudu wopamadilaadilo a kwatwa onghonga

2022-01-12  Festus Hamalwa

Omukulupe (72) e na oudu wopamadilaadilo a kwatwa onghonga

Omukulupe weedula 72 e na oudu wopamadilaadilo okwa kwatwa onghonga Omaandaxa lwopotundi 12h00 momukunda Iikango moshitukulwa shaShikoto.

Omukonakoni woimbuluma wopolifi mOshikoto omupedu commissioner Petrus Shigwedha okwa hokolola ta ti omukulupe okwa li ta di keendingosho ndili pomukunda wavo eshi konima yaye kwa dja omufekelwa ndele te mu dula oikutu yaye nokumulongela oilonga youshada eshi a ya naye moixulo.

Omukulupe okwa twalwa koshipangelo shaNandjokwe opo a ka ningilwe omakonakono opaunamiti.

Opolifi oya ti omufekelwa ina kwatwa po shaashi okwa faduka po konima eshi a longela omukulupe oushada.

Omakonakono opolifi otaa twikile.

Opolifi oya ti okwa didilikwa ovakulupe moshitukulwa shaShikoto va ninga oihakanwa yokukwatwa onghonga ngeenge tava di keendingosho eshi natango omukulupe umwe naye kwali a kwatwa onghonga pefimbo kwali ta di keendingosho mexuliloshivike.

Opolifi oya kunghulila ovanyasha momaumbo opo va kale tava tonatele ovakulupe ngeenge tava i ile tava di keendingosho shaashi ovakulupe kave li vali meameno la wana eshi hava kala tava kwatwa onghonga.

– fhamalwa@nepc.com.na


2022-01-12  Festus Hamalwa

Share on social media