New Era Newspaper

New Era Epaper
Icon Collap
...
Home / Omukulupe a kwata omona gomimvo 14 koonkondo

Omukulupe a kwata omona gomimvo 14 koonkondo

2022-10-25  Victoria Kaapanda

Omukulupe a kwata omona gomimvo 14 koonkondo

Omunamimvo 60 okwa mangwa po kopolisi moshitopolwa shaShikoto sho anuwa a kwata okanona ke komimvo 14 koonkondo.

Omugandji gomauyelele moshitopolwa shaShikoto Ellen Nehale okwati, oshiningwanima osha holoka momukunda Onembenge, oku tameke muApilili nuumvo.

Otaku hokololwa kutya omukwakuluntu oyehe yomunona ngoka okwa li a ningi ethimbo ta kwata omona gomukandhona koonkondo.

Nehale ta ti, oya lopotelwa kutya oya kala haya zi megumbo oyo ayeke omanga yina a kala koWindhoek, kiilonga.

Ta ti, he yokanona okwa kala ha ithana omona mondunda ye yo kulala uuna kwatoko, anuwa emuthule molutu.

Otaku hokololwa kutya okanona sho ka kaloloka okuningilwa iiningwanima yatya ngaaka, okali ka ndhengele yina eta keshi lopota.

Omakonakono gwopolosi otaga tsikile.

Moshiningwanima inaashifathana, omulumentu gwomimvo ndhopokati okwasi sho alyatwa kololi sho anuwa a li alala mopate.

Nehale okwati oshiningwanima shoka osha holoka lwopotundi 19h00 momudhingoloko Kuvukiland koTsumeb.

Otaku hokololwa kutya ololi ndyoka yoko Hardap fight service okwali tayi hingwa okuza kOshakati yuuka koWindhoek sho kwali ya lyata omulumentu ngoka ali alala mopate.

Nakusa okwa tseyika nendhina Malakia Sambi. Aakwanezimo oya tseyithilwa.

Omulumentu gomimvo 32, mehuliloshiwike okwa si eso lyinyanyaleka sho a gwile melambo lyonyata, momundhingoloko gwoGreenwell Matongo, koWindhoek.

Otaku hokololwa kutya omulumentu ngoka okwali a gwile melambo pethimbo kwali taya pombo elambo lyonyata, pamwe naanilonga pamwe naye, yei yaali.

Opolisi otayi ti, omulumentu ngoka okwali anuwa ta kondjitha okuthitulula opaipi, nokonima yethimbo aaniilonga pamwe naye oyali yuuvu ta kugu ta ti, otakanitha oonkondo.

Ya gwedhapo kutya, aanilonga pamwe naye ka kwali yena nkene yena okumuyambindhindha.

Omulumentu ngoka okwali ta longele ehangano tali ithanwa MJ Engineering.

– vkaapanda@nepc.com.na  

 


2022-10-25  Victoria Kaapanda

Share on social media