New Era Newspaper

New Era Epaper
Icon Collap
...
Home / Omukulupe a monifwa oshiponga nekende lomukonyo

Omukulupe a monifwa oshiponga nekende lomukonyo

2023-03-07  Festus Hamalwa

Omukulupe a monifwa oshiponga nekende lomukonyo

Omukulupe weedula 62 okwa tambulilwa moshipangelo shaShakati eshi vati a dengwa nekende lobiila moshipala pefimbo kwa li tava tanguna nomufekelwa keendingosho. 

Oshiningwanima eshi osha ningwa mexuliloshivike komukunda Omaalala, sha holokela keendingosho efimbo loufiku. 

Omupopiliko wopolifi moNamibia omupedu Commissioner Kauna Shikwambi okwa hokolola ta ti omufekelwa okwa faduka po konima eshi a denga omukulupe. 

Polifi otai ondile moshiwana kwau e na ouyelele opo shi kale sha lopotela keshe i li popepi. 

Ota ku hokololwa kutya nakuninga oshihakanwa oku li monghalo i li xwepo. 

Oshiningwanima shikwao, omukainhu weedula 36 okwa dengwa noikulumbwati komulumenhu waye fiyo omefyo mOtjinene moshitukulwa shaMaheke. 

Opolifi oya hokolola tai ti ovaholafani ava okwa li tava tanguna meumbo lavo. 

Omufekelwa okwa kwatwa po nota pangulilwa oshibofa shedipawo. 

Lopokati opo, omulumenhu weedula 35 okwa fya eshi vati a tuwa nekende lobiila 

komukainhu weedula 23, ou onga ohonda yaye i kulu. 

Oshiningwanima osha ningwa modoolopa yaKeetmanshoop. 

Omufekelwa vati litwala kopolifi yemwene konima eshi a oshimbuluma eshi. 

fhamalwa@nepc.com


2023-03-07  Festus Hamalwa

Share on social media