New Era Newspaper

New Era Epaper
Icon Collap
...
Home / Omulilo gwa faalela oomwenyo mbali

Omulilo gwa faalela oomwenyo mbali

2019-08-20  Staff Reporter

Omulilo gwa faalela oomwenyo mbali
Top of a Page

Victoria Kaapanda

ONGWEDIVA-Omukiintu gwomimvo 109, ngoka taku tiwa ka li ha monoko, okwa li a hulita sho a pi komulilo oshiwike sha zi ko momukunda Oshilemba moshikandjohogololo shaTamanzi mOmusati.

Omukwatakanithi gwomakonaakono giimbuluma moshitoppolwa shaMusati Linekela Shikongo okwa ti oshiningwanima shoka osha li sha holoka potundi 14h00 yomutenya.

Otaku hokololwa kutya omukulupe okwa li a thigwa megumbo komonakadhono naatekulu ye, manga ya ya kuundingosho wopopepi sho ya galuka oya adha omukulupe a pya. Kuuyelele wa gadjwa  omukulupe sho e li moshipangelo omanga ina hulitha okwa ti okwa li a ya kelugo hoka ohulukweya ye ya zi ko ya yaka omulilo, ye ine shi mona oshoka iha monoko.

Aakwanezimo oya tseyithilwa, nomakonakono gopolisi otaga tsikile.
Moshiningwanima sha faathana omukiintu gwomimvo 47 Ndapewoshali Haihambo okwa li a hulitha sho a pi komulilo oshiwike sha zi ko.

Otaku hokololwa kutya Haihambo okwa li ta teleke, ihe oshikutu she osha kwata omulilo ine shi mona, sho a ka mona ta pi okwa li a tondokele puushinda mpoka a ka mona ekwatho lyokoshipangelo.
Haihambo okwa yambukile momukunda Ohembe moshikandjohogololo shaEtayi mOmusati.

   


2019-08-20  Staff Reporter

Tags: Oshana
Share on social media
Bottom of a page