Opolisi moshitopolwa shaShikoto oya manga po omulongisikola gwomimvo 54 momukunda Ondjambayonghalu Etitano lya zi ko, sho anuwa a kwata omukiintu gwomimvo 21 koonkondo.
Sha ikwatelela kepeko lyopolisi omukiintu ngoka okwa li a lopota oshiningwanima shoka tango kumwene gwomukunda gwawo, nopo nee okwa lopotelwa opolisi. Omukiintu anuwa okwa holola kutya omulongi nguka okwe mu patele mondunda yokulala –ano maandja muhongi, e te mu etha a kothe. Omulongi okwa inyowele nee omukiintu omanga a li a kotha, e ta yi naye miihulo kaashi li pahalo lye. Kape na uuyelele awuhe natango, nomakonakono gopolisi otaga tsikile.
