Omunasikola gwomimvo 18 okwa patula oshipotha sho anuwa a kwatwa koonkondo uusiku wolyOmakaya mondunda ye yokulala molukanda Ongunda mOndangwa.

Omupoliko gwopolisi moshitopolwa shaShana Thomas Aiyambo okwa ti, oshiningwanima osha holoka po 02h00 yuusiku. “Otaku hokololwa kutya omulumntu ngoka oomvula dhe inaadhi  tseyika natango, okwali ya kwatathana nomukiintu ngoka pangodhi, e ta lombwelwa komukiintu kutya ine ya ko kondunda ye kuye uusiku,” Thomas ta ti ngaaka. Ta ti, aniwa dhoka kakwali e dhi pulakene onkene okwa yi kondunda yakakadhona e te yi nako miihulo kaashi li pazimino lyako. 
Ta hokolola ta ti, omulumentu ngoka anuwa a kolwa pethimbo lyoshiningwanima anuwa okwali a longitha ongumi sho a yi naye miihulo.
Aiyambo okwa ti, omukiintu ngoka okwali akoleke kutya inaya kala yena ekwatathano lyopayihole, ihe okumeke ashike.  Inamangwapo natango kopolisi,  ihe omakonakono gwopolisi ogeli metifa.

mOshiningwanima inaashifathana olutu lwomuntu olwa adhika mondama yomeya yili konima yoNamWater mOshakati, Omaandaha.
Iyambo okwa ti, kapwali pena uyelele wagwana ethimbo ndyoka, ngele omuntu ngoka okwa umbilwamo nenge okwii umbile mondama yemwene.
Omakonakono gwopolisi ogeli  metifa. Aafuthi kwali tayakambadhala okuteya ongeleka yaKatana Roman Catholic mehulilo shiwike oyahulile muunyengwi,  sho yanyengwa okuteyepo omwelo opo yaye meni.

Aiyambo moonkundathana naKundana okwa ti, nkene oshilongo sha mangululwa okutsikile noongeshefa dhawo,  inaya lopotelwa natango iiponga yilwe, ka kele kwaa mbyoka a zi nokutumbula.
“Shoka otashi ulike kutya oshigwana otashi iyutha kompango nomalandulathano okukeelela omukithi gwoCovid-19 ngoka natango guli mokati ketu,” Aiyambo a popi ngaaka. Ta ti, uupyakadhi owuli komikunda dhokokule, hoka oondingosho hadhi pitilile oowili dhokupata oshoka oyeshi kutya opolisi, haalushe hayi yiko.
Takumagidha ooyene yoongeshefa kaaya pitilile ethimbo lyokupata, nokugwanithapo omalandulathano ga kalapo nale.
“Omukithi gwoCovid-19 inagu hula, natango omo guli mokati ketu, ngele itatu iyutha koompango dhoka, otagu taandele moshigwana,”Aiyambo  akumagidha.