Omulongwa posikola Shaanika Nashilongo Secondary, gwomimvo 21 okwa si anuwa sho a yahwa nondjembo komupolisi gwaAngola, meni lyAngola.
Omukuluntu gwoshitopolwa shaMusati Titus Shikongo okwati, oshiningwanima shoka osha holoka potundi 22h00 yuusiku molukanda Otilindi moAngola Olyomkakaya gazi ko.
Otaku hokololwa kuya omulumentu ngoka okwali ayi koAngola a ka talela po aakwanezimo lye Etiyali lya zi ko.
Olyomakaya ngoka anuwa okwali ya yi kehala lyomaninwo, lyomumwayinamati kolukanda Otilindi.
‘’Otundi 22h00 yuusiku sho yali ya dhenge, omupolisi gwaAngola ngoka ha longele poongamba dhOkapalelona okwali a yi pehala mpoka, ta pula lyi pate,” ta hokola.
Ta ti, shoka anuwa okwali sha etitha oondjuma po kati kaapolisi yamwe ya adhika pehala mpoka yomoAngola oshowo mboka yali eya okupatitha ehala.
Otaku hokololwa kutya, mwene gwe hala okwali a pata ehala konima yethimbo, no kwali a gandja ohauto komumwayina ngoka nakusa paife, a fale aakuluntu yamwe kegumbo.
“Aapolisi yaali yaAngola okwali ya pula omulumentu ngoka a kankameke ohauto ye, sho yali ya zimo ayehe, omupolisi gumwe okwali akutha ondjembo eta yaha omulumentu ngoka momutse,” Shikongo ta ti ngaaka.
Ta ti okwali afalwa koshipangelo kOutapi tango, etaka tuminwa koshipangelo kOshakati hoka aka hulithila esiku lyalandula.
Opolisi yaAngola oyili metifa okukonakona oshipotha shoka, oshoka osha ningwanima osha ningilwa moAngola.
Nakusa oye Johannes Shatipamba Nangolo.