Victoria Kaapanda

ONGWEDIVA–“Omuntu nguka ina hala oku hulithapo oku landulandje nombepo ye ombwinayi, onda loloka okumatuka po. Ombili aantu yandje ondi mu hole amuhe. Hilde ombili unene shika osha holoka koonkondo dhomutondi.”Dhoka odha nyolwa kuSimon Shilongo Shikundu omulumentu gwomimvo 22, mokambapila a li a shanga omanga inaa ikutha omwenyo. Omugundjuka ngoka okwali omulongwa moshiputudhilo shopombanda shoUniversiti yaNamibia moHifikepunye Pohamba mOngwediva.

Oonzo dhimwe ota dhi hokolola kutya shikundu okwali a kwatwa kaalongi ye ta yaka ekonakono lyahugunina, naashoka otashi vulika osho she mu uvitha nayi, anuwa nosho shali sha etele a imangeleke. Ashike opolisi oya ti kayi na uyelele mwaa shoka oshoka omakonakono ogeli metifa natango.
Omugandjimulombo moshitopolwa shaShana Inspekta Thomas Aiyambo okwa lombwele Kundana ta ti oshiningwanima shika osha holoka potundi 21h00 ongulohi yOmandaha.

“Otaku hokololwa kutya omulumentu ngoka okwali a imangelekele nongodhi mongalashe yiihauto, megumbo lyandjawo mOngwediva, momagumbo taga ithanwa Ongwediva Better Housing,” Aiyambo ta ti ngaaka.
Shikundu okwa yambukile momukunda Uukwananga kEunda moshitopolwa shaMusati.