New Era Newspaper

New Era Epaper
Icon Collap
...
Home / Omulumenhu a lumatwa kunyamukwao moshipala

Omulumenhu a lumatwa kunyamukwao moshipala

2022-05-17  Festus Hamalwa

Omulumenhu a lumatwa kunyamukwao moshipala
Top of a Page

Omulumenhu weedula 40 okwa lumatwa kunyamukwao moshipla eshi a hangika monduda yomukainhu waye weedula 34 womukwashiwana waAngola. Vati omukainhu aveshe pamwe nohonda yaye ova dengwa komulumenhu weedula 45 ou vati kwa li ve li mekwatafano lopaihole nomukainhu oo nale. Oshiningwanima eshi osha ningwa Etitano lwopotundi 04h00 keengulasha molukanda Orutjandja modoolopa yaPuwo, moshitukulwa shaKunene.

Komufala wopolifi moshitukulwa shaKunene Commissioner James Nderura okwa hokolola ta ti omukuinhu okwa hangika kwa li a ya kobashu yohonda yaye eshi omulumenhu ou kwa li ve li naye mekwatafano lopaihole tete a ponokela obashu yavo ndele te va dedaula neengonyo, noikulumbwati nokulumatwa.

Opolifi oya hokolola tai ti omukainhu pamwe nomuholike waye ova mona oshiponga eshi va dengwa. Oonakuninga oihakanwa aveshe ova twalwa koshipangelo shaPuwo opo va ka mone epango lopaunamiti. Omufekelwa okwa kwatwa po kopolifi nokwa holoka momhangu Omaandaxa eshi ta pangululilwa oshibofa shomahepeko omomaumbo.

Omakonako opolifi otaa twikile moshikumungu eshi. Opolifi otai kunghilile oshiwana opo shi kale tashi lopotele opolifi keshe i li popepi ngeenge tashi ningilwa omatilifo keehonda davo dikulu.

– fhamalwa@nepc.com.na


2022-05-17  Festus Hamalwa

Share on social media
Bottom of a page