New Era Newspaper

New Era Epaper
Icon Collap
...
Home / Omulumenhu e na oulema wopamadilaadilo a kwata okaana onghonga

Omulumenhu e na oulema wopamadilaadilo a kwata okaana onghonga

2022-05-18  Festus Hamalwa

Omulumenhu e na oulema wopamadilaadilo a kwata okaana onghonga
Top of a Page

Okaana keedula 10 oka kwatwa onghonga komulumenhu weedula 47 vati e na oulema wopamadilaadilo Olomakaya komukunda Enongo moshitukulwa shaMusati.

Omukonakoni woimbuluma wopolifi moshitukulwa shaMusati omupedu Commissioner Moses Simaho okwa hokolola ta ti omufekelwa okwa hanga okaana taka ende mondjila yokudja kofikola nokonima okwa nhukila okaana ndele te ka longele oilonga youshada yopaixulo eshi e ka kwata onghonga.

Opolifi oya hokolola tai ti okaana oka shivifila ovadali vako kutya oka kwatwa onghonga nokonima oka twalwa koshipangelo opo a ka ningilwe omakonakono opaunamiti.

Opolifi oya ti omufekelwa oha di poushiinda wokaana shaashi vati ova kala ve shaafane nale.

Omufekelwa okwa kwatwa po nota pangulilwa oshibofa shekwatonghonga, nomakonakono opolifi otaa twikile.

Simaho okwa kunghilila ovadali opo va kale tava findikile ounona vavo keefikola shaashi opolifi oya didilika ounona va shona va ninga oihakanwa yokukwatwa onghonga ngeenge tava di keefikola ile tava lifa.

Okwa weda po ta ti oshiwana nashi kale tashi lopotele opolifi oibofa yomakwatonghonga pefimbo opo opolifi i kale ya ninga omakonakono noupu.

fhamalwa@nepc.com.na


2022-05-18  Festus Hamalwa

Share on social media
Bottom of a page