New Era Newspaper

New Era Epaper
Icon Collap
...
Home / Omulumenhu mokakuma molwa ekwatonghonga lohonda yaye 

Omulumenhu mokakuma molwa ekwatonghonga lohonda yaye 

2022-05-06  Festus Hamalwa

Omulumenhu mokakuma molwa ekwatonghonga lohonda yaye 
Top of a Page

Omulumenhu weedula 29 okwa kwatwa po eshi vati a kala nokukwatwa onghonga ohonda yaye loikando ihapu pokati komafiku 29 Aprili nomafiku 30 Aprili kolukanda Goreagab moWindhoek. Omupoliko wopolifi moshitukulwa shaKhomas Warrant Silas Shipandeni okwa hokolola ta ti omufekelwa oha denge shito ohonda yaye ye ta i naye moixulo keenghono.

Opolifi oya ti omufekelwa okwa ya keumbo lohonda yaye efimbo lokomatango ndele te mu denge konima eshi a mona kutya ohonda yaye ina i hala okuya naye moixulo.

Omufekelwa kwa holoka momhangu yamengestalata waKatutura Etine, ta pangululilwa oshibofa shekwatonghonga nomehepeko omomaumbo.

Lwopokati opo omukainhu weedula 20 naye vati okwa kwatwa onghonga mEtitatu moWindhoek, a hangika a kofa motuwa yakaume kaye komulumenhu a kolwa eshi kwa li vaye keendingosho. Opolifi oya hokolola tai ti omukainhu okwa ka dimbuluka ashike ongula eshi kwa sha kutya mboli okwa ningilwa oilonga youshada yopaixulo eshi a kwatwa onghonga.

Kape na omufekelwa a kwatwa po shaashi nakuningilwa oushada keshi kutya okwa kwatwa onghonga kulyelye. Shipandeni okwa kunghilila ovalumenhu opo va xulife po okuya moixulo novakainhu ngeenge inava hala. Onghee okwa denga omufindo ta ti novalumenhu va hombola navo inava pumbwa okukala tava i moixulo novakainhu vavo keenghono shaashi okuya moixulo ohashi di kehalo lomukainhu yemwene.

fhamalwa@nepc.com.na


2022-05-06  Festus Hamalwa

Share on social media
Bottom of a page