New Era Newspaper

New Era Epaper
Icon Collap
...
Home / Omulumenhu vati a hekela okaana N$300 ndele te ka kwata onghonga

Omulumenhu vati a hekela okaana N$300 ndele te ka kwata onghonga

2022-06-14  Festus Hamalwa

Omulumenhu vati a hekela okaana N$300 ndele te ka kwata onghonga

Festus Hamalwa

Okaana keedula 14 oka kwatwa onghonga eshi vati ka hekelwa oshimaliwa N$300 komufekelwa ndele tai nako moixulo. Oshiningwanima eshi osha ningwa mexuliloshivike kolukanda Oshipwatapwata kOshikango, moshitukulwa shaHangwena. Omukonakoni woimbuluma wopolifi moshitukulwa shaHangwena omupedu Commissioner Zacharia Amakali okwa hokolola ta ti omufekelwa okwa hanga okaana ta ka ende mondjila nokonima okwe ka lombwela opo vaye nako kobashu yaye.

Vati okudja opo omufekelwa okwa lombwela okaana kutya okwa hala oku ya nako moixulo vati ta ti oteka pe tete oshimaliwa. Okudja opo okaana vati oka kala inaka hala ashike omufekelwa okwa kala ta ti koshimaliwa ota weda ko ngeenge okaana okai tavele.

Opolifi oya hokolola tai ti konima eshi okaana ka ningilwa omunyonena wopaixulo oka lombwela ovakulunhu vako kutya oka pewa oshimaliwa ndele ta kai wa nako moixulo.

Okudja opo ovadali vako ova lopotela opolifi nokonima omufekelwa okwa kwatwa po nota pangulilwa oshibofa shekwatonghonga. Okaana oka twalwa koshipangelo opo ka ka ningilwe omakonakono opaunamiti. Omufekelwa oku na omido 41, nomakonakono opolifi otaa twikile.

Opolifi oya kunghilila ovalumenhu opo va xulife po oku heka ounona noku ya navo moixulo. Ovadali navo ova kunghililwa opo va kale tava popi nounona vavo opo vaha kale vali tava hekelwa meenduda dovalumenhu shaashi eshi ohashi ka eta opo omulumenhu a ye moixulo nokaana. 

– fhamalwa@nepc.com.na


2022-06-14  Festus Hamalwa

Share on social media