New Era Newspaper

New Era Epaper
Icon Collap
...
Home / Omulumentu  a imangelekela mehala lyiilonga

Omulumentu  a imangelekela mehala lyiilonga

2022-06-28  Victoria Kaapanda

Omulumentu  a imangelekela mehala lyiilonga

Opolisi moshitopolwa shErongo otayi konakona shoka sha ikuthitha omulumentu gwomimvo 25 omwenyo, ngoka a li a adhika a imangelekela mehala lye lyiilonga.

Sha ikolela kepeko lyopolisi, otaku tengenekwa Sidonio Gregory Languni a imalengeleke koongulasha dhOsoondaha.

Opolisi oya ti, Lunguni okwa li a thigwa komukuluntuwiliki gwiilonga yawo miilonga mOlyomakaya potundi 13h00, ihe kakwa li ta ulike e na omadhiladhilo goku ikutha omwenyo.

Otaku hokololwa kutya natango kakwa li a hokololele nando ogumwe
gomaaniilonga pamwe naye uudhigu e na.

Olutu lwe okwa li lwa adhika lwa endjelela moombuli dhoshitenda shomoombuli potundi 09:00 moRhino Logistics mepandaanda Langer
Heinrich.

Opolisi oya ti, omukuluntuwiliki miilonga moka okwa li a dhengelwa anuwa ongodhi kaakeleli yomatungo G4S kutya oalarama yawo oya gwa ko nopwa li pe na omayinyengo taga limbililike.

Shoka anuwa okwa li e shi tseyithilwa koongulasha dhOsoondaha, nonando kakwa li a thiki petungo lyiilonga ethimbo ndyoka.

Tayi ti, sho ongula kwa shi omukuluntuwiliki gwehangano ndyoka okwa li a yi kiilonga a ka tale shoka kwa li tashi inyenge.

Otaku hokololwa kutya okwa li a itsu molutu lwomuntu a andjelela moombuli.

Kakwa li anuwa a thigi po omukanda a shanga kutya oshike she mu ikuthitha omwenyo. 

Otaku hokololwa kutya, Lunguni okwa li ha zi koNarravile. 

– vkaapanda@nepc.com.na


2022-06-28  Victoria Kaapanda

Share on social media