New Era Newspaper

New Era Epaper
Icon Collap
...
Home / Omulumentu omugundjuka te shi enditha nawa mokuninga uukenisa

Omulumentu omugundjuka te shi enditha nawa mokuninga uukenisa

2022-09-12  Victoria Kaapanda

Omulumentu omugundjuka te shi enditha nawa mokuninga uukenisa

Omulumentu gomunyasha ngoka ha ningi uukenisa woomeme wokomutse okwa ti, iilonga kayina omulumentu nenge omukiintu shoka shi na oshilonga, oku etapo oshimaliwa.

Job Andreas gomimvo 29, okwa ti oha ningi uukenisa wokomitse waakiintu, posalona, yi li mOngwediva hoka aakintu oyendji monooli taya popi.

‘’Ohandi panda uukenisa, ihe natango ohandi kulula wo natango aalumentu naakiintu momitse, pethimbo kaape na ngoka ta kululwa, ohandi kala nda ipyakindhila nokuninga uukenisa wookasitoma ndhandje,’’ ta popi ngaaka.

Andreas okwa ti, okwa tameke okuninga uukenisa omimvo mbali ndha piti, ihe nena otiiyithana, omupandi ndhingi monooli.

‘’Uukeenisa wandje kawuna ondilo, onda kulula ondando nda tala keliko lyoshilongo ndyoka kaalili nawa,” ta popi ngaaka.

Ta ti, uukenisa we ohaukosho ashike okuuza N$250 okuya pombanda sha ikolela kokakenisa hoka wa hala okuningilwa.

“Ondali nda mono tango oshiholelwa shoka komunilonga kwa li pamwe nangaaye, ngoka kwa li handi longo naye kOtjiwarongo, nonando ethimbo ndyoka ka kwa li ndi shi sha,” ta hokolola ngaaka.

Ta ti, sho a li ayi a kaninga osalona ye kOmakange okwa li a tameke oku etekela okuninga uukenisa sigo a pyokoka, nonando wopetameko ka kwa li wu ukila ko.

Ta gwedha po kutya okwi indheula ohaku ningi omuntu a pyokoke, una itaa sholola.

‘’Ookasitoma ndhimwe ohandhi iiteka okukululwa kungame anuwa, itandhi kululwa keshenge, una ndha adha tandi longo uukenisa wandje,’’ ta popi ngaaka.

Ta ti, shoka ihashi mushololitha nando oshoka ye okushi sho ta kongo. Ta ti, okukambandhala okuvule okumwena.

‘’Aanyasha mboka ye li momagumbo kaaye na iilonga, ondi wete ashike taya mana po ethimbo lyawo, iilonga kayi na mpoka tayi zi ngele itoyi eta po mwene,” ta ti ngaaka.

Ta ti, oshikulya oshanakulonga, ngele ito kambandhala wu e te po sha, omolwa ohoni, oto si ondjala.

- Vkaapanda@nepc.com.na


2022-09-12  Victoria Kaapanda

Share on social media