Omulumentu gwomimvo 19 okwa tegelela okuholoka mompangu, sho kwa li a adhika niingangamithi moshitopolwa shaShikoto.
Omukuluntu gwopolisi moshitopolwa shaShikoto Armas Shikongo okwa ti, oshiningwanima shoka osha holoka oshiwike sha ziko momudhingoloko gwaTsinstabis.
Otaku hokololwa kutya omulumentu ngoka okwa li a mangwa konima opolisi ya li ya lopotewa kaakwashigwana kutya omulumentu ota landitha iingangamithi esiku lyopenzela yaakulupe.
Shivute ta ti, omulumentu ngoka okwa Ii a mangwa nomapangwe ge li 58, oshowo oopela dhiingangamithi dhi li 60. “Iingangamithi ayihe kumwe okwa li yi na omundjundo guthike pookilogalama 115. Omapangwe okwa li gena ongushu yo shimaliwa N$7 302 omanga oopela dha li dhina ongushu N$1 150,” ta fatulula ngaaka.
Ta gwedha po ta ti, omufekelwa ngoka okwa li a adhika noshimaliwa koomuma N$2 041 mbyoka tayi fekelwa ya za mokushingitha iingangamithi.
Moshiningwanima inaashi faathana okanona komimvo ndatu oka gwile momuthima gomeya sho anuwa ka li ka landula aamwayina aakuluntu monima.
Shivute ta ti, oshiningwanima shoka osha holoka momukunda Onethika A momudhingoloko Ontananga.
Otwa lopotelwa kutya okanona hoka okwa li ka landula yakwawo aakuluntu monima, mboka ya li ya yi megumbo lyopuushinda,“ ta hokolola ngaaka.
Ta ti, olutu loka nona okwa li lwaadhika momuthima gomeya.
“Aakuluntu yokanona hoka ka kwali ya adhika mo megumbo anuwa, oya li ya ya koondolopa esiku ndyoka” ta ti ngaaka. Ta gweha po ta ti, aanona mboka ya li ya landuwa kakwa li ye shi tseya kutya oya landulwa ko kanona monima. Nakusa okwa tseyika nedhina Temus Pandeni Nadhipite
Omakonakono gwopolisi otaga tsikile Opolisi oya kumagidha oshigwana shi kale aluhe tashi sile oshimpwiyu aanona, unene pe thimbo ndika lyomeya.
Ïishana oshowo omithima nomilonga odhuudha omeya konimna yomuloka omwaanawa onkene omaso gombandhilila gaantu taya gwile momeya ogendji.
Aantu ye vule 17 oya lopotwa ya sa omeya nuumvo mitopolwa yokonooli.
Ethano otwe li pewa
– vkaapanda@nepc.com.na