WINDHOEK- Omupeviprima Netumbo Nandi Ndaitwah okwa ti kutya omutengenekwathaneko gwoshimaliwa gwoshilongo ngoka gwa tulwa poshitaafula kuminista gwemona otagu etitha omukumo noonkondo.
Minista Calle Schelettwein okwa tula omutengenekwathaneko gwoshimaliwa poshitaafula megumbo lyomutumba gwopashigwana omwedhi gwa zi ko gwoshimaliwa shi thike poobiliona N$66.
Ndaitwah okwa li ta popi momutumba gwopashigwana oshiwike shika.
“Nguka ogwa ukilila notagu tu pe omukumo noonkondo kutya out li mondjila yu ukilila, unene ngaa ngele tashi ya paliko lyomoshilongo otashi ulike kutya eliko otali penduka po,” osho Ndaitwa a ti ngaaka.
Okwa hokolola kutya minista gwoshimaliwa okwa popya kutya eliko otali hangana ashike ngele tapu tulwa oompango dhomeendelelo tadhi tulwa miilonga mbala ngele pu na okugongelwa oshimaliwa meni lyomoshilongo ndele nokondje.
Ndaitwah okw ati kutya nonande itaya vulu oku eta po oshimaliwa niikwapondje nena meni lyoshilongo na shi ningwe noonkondo paumwene noshowo pangundu.
“Onda itayela kutya atuhe out na etimaumbwile ngele tashi ya piinima yopashigwana, onkene otatu vulu oku lalakanena opo omutengenekwathaneko gwoshimaliwa shetu ngoka gu kokithe eliko lyoshilongo, oku tota po oompito dhiilonga noshowo okukutha mo aakwashigwana mondjala” osho a hokolola ngaaka.
Okw ti shoka tashi hokitha unene ooshoka kutya omutengenekwathanekot nguka ogwa tulwa poshitaafula melaka ndyoka tali uvikiwako ku kehe gumwe ngoka ta vulu okulesha.
Minista okwa popi kutya unene ngaa aagundjuka naanangeshefa aashona oya pumbwa oku tula uukuni kumwe opo ya pambule ko koshipambu shoka tatu kundathana nena .
Minista okwa hokolola kutya okwa nyanyudhwa kwaashoka aagundjuka oyendji oya ulika ohokwe muunamapya . Uunamapya owo oshinakugwanithwa oshinene moshigwana, naagundjuka oy ena ompito ombwaanawa moshinima shika.
“ Iilongo oyindji oya huma nawa komeho moluunamapya, onkene, ngele aagundjuka yetu oya imanga nawa uukuni kumwe e taya longo muunamapya nena otaya ka mona mo sha okupitla moprojeka muuministeli wuunamapya nuunIiimuna moshilongo,” osho a hokolola ngaaka.
Okwa ti kutya ngele aagundjuka otaya longo nuudhiginini e taya pewa oshipambu moprograma yoGreen Scheme kashi na omukundu gwasha oshoka otashi eta elunduluko .