WINDHOEK – Ongundu tayi pangele Swapo otayi ka ninga oshigongi oshinenenene muSepetemba, ku na ashike oomwedhi mbali omahogololo gopaupresidente nogopaliamende ga thike. Omahogololo okwa tegelelwa ga ka kale ko momasiku 27 Novemba. Oshigongi shika osho hashi ka palula ondjila yomusholondondo gwaakwaSwapo mboka taya ka kalele po ongundu megumbo lyomutumba gwopashigwana. Momushangwa gwa nuninwa aakwatakanithi ayehe yongundu ngoka gwa monika koNew Era, amushanga gwoSwapo Sophia Shaningwa okwa ti kutya omutumba otagu ka kala ko momasiku 2-3 Sepetemba omumvo.

Shaningwa okwa lombwele aakwatakanithi yomiitopolwa kutya omahogololo gaakuthimbinga otaga ka ningwa ge li ontega nekotampango lyoSwapo shi ikwatelela kekotampango lyoSwapo.
Ta ti esiku lyahugunina lyokugandja omadhina ngoka Etitano ndika.

“Oohailwa, otamu dhimbulukithwa mpaka kutya iitopolwa ayihe mbyoka ya ndopa okulonga pamulandu gongundu otayi ka kalekwa kokule noshigongi,” Shaningwa ta ti ngaaka. Ta ti ookomitiye dhomiitopolwa nadhi ulike pamukalo gwomahogololo aantu yahamano mboka taya ka kalelela po iitipolwa yawo.
Uuthikepamwe wopaukashikekookantu nawu simanekwe… (50-50) ,” ta tinga ngaaka.

Shaningwa ta ti uuna pompito mpoka aakiintu naalumetu ya pitilila aantu mboka ya pumbiwa ye li yatatu, okakomitiye kopashitopolwa na ka kuthe mo aantu mboka inaaya pumbiwa  okupitla pamukalo gokuhogolola, ta ti aantu yatatu kutya momukalo gwokuhogolola.

“50-50 nayi simanekwe ethimbo alihe,” ta dhenge omuthindo.
Ta ti omadhina gahamano gahugunina, aakiiintu yaali naalumentu yaali, naga tumwe koombonge dhongundu ga dhindwe mEtitano. 

“Omadhina otamu ga mono konima  ga dhindwa okuza koombonge oonene dhoSwapo mEtitano tu uka,” ta ti ngaaka.
Ta lombweklle wo aakwatakanithi yiitopolwa kutya oye na oshinakugwanithwa shokuunganeka omitumba ya hogolole 

“Omadhina gaantu ye li yaali naga gwandjwe koombonge dhongundu mokasiku 23 Aguste and Zebra ngaashi shi na okukala.
“Mboka ya hala okuulikwa oye na okugandja uumbangi kutya oya kala iilyom yongundu uule woomvula 10 dhongundu, okamutse koshilongo, osho wo okakalata komahogololo,” ta gwedyha po ngaaka.