New Era Newspaper

Icon Collap
...
Home / Omuulikwa a ithikamena po ta ti kondjambi ye yokomwedhi otaku kala taku nanwa 5%

Omuulikwa a ithikamena po ta ti kondjambi ye yokomwedhi otaku kala taku nanwa 5%

2020-11-10  Victoria Kaapanda

Omuulikwa a ithikamena po ta ti kondjambi ye yokomwedhi otaku kala taku nanwa 5%
Top of a Page

Omuulikwa a ithikamena Sam Hamunyela, ngoka ta ka kutha ombinga momathigathano guukansela moshikandjohogololo shEndola moshitopolwa shaHangwena okwa ti, ngele okwa sindana, kondjambi ye yokomwedhi otaku kala hakuzi 5% kehe omwedhi.
“Iimaliwa mbyoka tandi kananwa otatu kala atuyi longitha  moshikandjohogololo, okukandulapo omawupyakadhi oshowo oompumbwe dhina oshilonga,” Hamunyela ta ti.

Ta ti, otaka etitha oondohotola yomeho mEndolo opo aakulupe, yena uuvu womeho ya kale taya mono epango ethimbo kehe.
Hamunyala natango okwakumagidha oshigwana shimuhogolele oshoka ye omuleli eli mondjila nokwa ilongekidha okulela.
“Otashi kala oshinakugwanitha shandje kutya moshikandjohogololo shEngela kape na nando ogumwe ta ka hupa ko ketopolathaneno lyeliko,” Hamunyela  ta ti ngaaka.

Ta ti, otaka tungitha omatala gwokulanditha, opo aakalimo mboka kaana iiyemo ya mone ompito yokunyangadhala.
“Oshimaliwa ashihe sha nuninwa ombelelwa, otashi ka longithwa okukandula po oompumwe dhaakalimo, kaape na nando uulingilingi,” Hamunyela a popi ngaaka.
Okwa popi ta ti otashi kala oshimpwiyu she okugandja iilonga kaanyasha mboka kaaye na iilonga, oshowo okukwathela mboka yeli monapaandanda.

 Omuulikwa a ithikamena po okwa ti oopoloyeka dhuunamapya nuuniimuna moshikandjohogololo shEndola
otadhi ka topolelwa kehe omunyasha e na ehalo lyokulonga.
 “Ombelewa yaKansela mewiliko lyandje, otayi ka pulakena komawupyakadhi agehe taga holoka moshikandjohogololo, kapena okatongotongo nulingilingi,» Hamunyela a popi ngaaka.

Ta ti, ombelelwa yi li mewilko otayi kale tayi longo nombili nelandulathano nelalakano lyokulongela oshigwana uwanawa.
Hamunyela ta popi ta ti, otaka yambidhidha wo oongeshefa oshona dhi humekomeho, opo natango dhi gandje iilonga moshigwana.
Ta ti, elalakano lye okulundulula oshitopolwa shEndola, okushitula pondondo yimwe tayi hokwa kaakalimo. 
Okwa kwashilipaleke natango ta ti, oosikola , uupangelo oshowo oosasiyona dhopolisi otadhi katungwa, okukwathela nokukonda aakalimo oku ende oondjila oonde ngele taya ka konga 
omakwatho.
 


2020-11-10  Victoria Kaapanda

Tags: Ohangwena
Share on social media
Bottom of a page