New Era Newspaper

New Era Epaper
Icon Collap
...
Home / Onawa tuu… Aanawa ye li konyala 200 ya mono omagumbo

Onawa tuu… Aanawa ye li konyala 200 ya mono omagumbo

2022-05-24  Victoria Immanuel

Onawa tuu… Aanawa ye li konyala 200 ya mono omagumbo

 MINISTA gwomayambulepo gwoondoolopa niitopolwa yokuushayi Erastus Uutoni okwa kumagidha oshigwana shi kuthe ombinga mooprogalama dhokutungilwa omagumbo kooproyeka dhoBuild Together oshowo Shack Dwellers. 

Uutoni ndhoka okwa li e dhi popi esiku a li a gandja pambelewa omagumbo ge li 195 oshowo ehala mpoka tapu ka tungwa omagumbo ge li 100 koBuild Together kOnawa mOshakati, sha ningwa mehuliloshiwike. 

“Uuministeli otau tsikile okuyambidhidha omalelo goondolopa, nooproyeka tadhi tungile oshigwana omagumbo. Ngaashingeyi uuministeli owa longekidha oomiliona N$10, okuyambindhindha ooproyeka ndhoka, omolwiilonga iiwanawa tadhi longele oshigwana,’’ ta ti ngaaka. 

Ta ti ngele ito kutha ombinga mooproyeka ndhoka mbali, to kala po, ngoye wu kale inoo mona olukalwa lwoye mwene lwa aluhe. 

“Natango onda yelithilwa kutya elelo lyondoolopa Oshakati olya longekidha oomilliona N$12 okutungila oshigwana omagumbo. Omagumbo ngoka otaga ka tungilwa mboka haya mono iiyemo yi li kohi yoshimaliwa N$6 000,” ta popi ngaaka. 

Ta gwedha po ta ti, elelo lyOshakati olyo dhingi mokugandja omagumbo moshilongo ashihe. 

“Elelo lyondoolopa olya longo nuudhiginini, okutembula oshigwana komalukanda hoka ya kala, oku ya fala komahala hoka kwa longekidhwa nawa omanga yamwe taya mono omagumbo gawo yene,” ta fatulula ngaaka. 

Uutoni okwa kumagidha natango oshigwana shoka kwa li sha pewa omahala gawo opo shi kale sha mana okutunga kehulilo lyomumvo nguka. 

“Otatu pandula ooproyeka ndhoka mbali, oshoka shoka tadhi longo, osha simana nosha lundulula oonkalamwenyo dhoyendji,”ta pendula ngaaka. 

Mayola gwelelo lyondoolopa yaShakati Leonard Hango okwa ti, elalakano okuhumitha komeho nokuyambula po ondoolopa yaShakati oshowo okulongela oshigwana uuwanawa, opo shi kale monkalo tayi hokitha. 

“Otwa hala Oshakati shi kale shina oombashu ooshona nenge shi kale kaashina oombashu monakuyiwa, sho shoka ta tu longo nuundhiginini, okuyambulapo ondoolopa ndjika,”ta yelitha ngaaka. 

Ta ti, natango oyena ohokwe yoku gandja oopolota kaakwashigwana yayo. 

Omuk a l e l ipo gwok a komit i y e kokutungilwa omagumbo, esiku ndyoka okwa li a indile opo ya etelwe opate mpoka tapu kala hapu huulile ootaxi, oshoka ohaya mono iihuna yokufuta uuna taya falwa kOnawa. 

“Otwa hala natango oku etelwa ko osasiona yopolisi yi kale po pepi omolwa iimbuluma tayi indjipala mOnawa,”taya indile ngaaka. 

Ta gwedha po ta ti, okakilinika nako otaka kala wo lyimwe lyomo maindilo. 

Omupopiliko gwelelo lyondoolopa lyOshakati Katarina Kamari okwa ti, ayihe mbyoka oyi li metifa. 

Ta ti, oya ninga omayindilo koombelewa onene ndhuuministeli wa yooloka, no ya tegelela omayamukulo ga huginina. 

vkaapanda@nepc.com.na


2022-05-24  Victoria Immanuel

Share on social media