“Ohandi pandula kalunga eshi nda xupa moshiponga eshi nda tetwa nomakatana komushamane wange. Onda kala handi dengwa shito meumbo, ka kwali ndishishi ngeenge ota longelenge oilonga youshada.”
Aa omatumbulo a Ottilie Hangula ta hokolola nghee a xupa moshiponga shefyo eshi a tetwaulwa nomakatana komushamane waye momafiku 05 omwedi ou mokati koufiku potundi 23h00 komukunda Okathakiingondjo moshitukulwa shaShana.
Efiku olo omushamane waye okwe li mangeleka nongodi monduda yavo yokunangala konima eshi a teta ula Hangula nomakatana.
Omushamane waye oye Silas Iyambo weedula 56 omukalimo womomukunda Okathikiilongondjo. Pefimbo Kundana a talela po Hangula koshipangelo shaShakati okwa hokolola ta ti omafiku 03 omwedi ou okwa lombwelwa komushamena opo a twalele ina yaIyambo oimbale.
Okwa ti efiku olo okwa dja ko kwa toka lopotundi 19h00, ashike vati eshi e uya meumbo ina hangamo Iyambo.
“Onda ya keendingosho opo ndi ka landule tate wambuletu, eshi nda fika keendingosho okwa pula nge kutya oshike nda kalako oku keumbo laina oku kwali a tumange. Onde mu lombwela kutya okwa li ndili novakulupe handi kwafele noilonga yomeumbo,” Hangula.
Hangula okwa ti efiku olo ova tokelwa keendingoshi nomushamane waye tava nu omalodu. ‘’Eshi twa aluka keendingosho otwa hanga ounona vateleka nale va ka nangala, ashike okaana aka ko kanghelo oka penduka eshi ka uda atu popi meumbo,” Hangula ta hokola.
Okwa ti efiku olo ova twokelwa pondje nomushamane waye nokaana ko kanghelo shaashi okwali kuna oupyu nai.
“Okwa lombwela okaana konghelo kutya nakaye monduda kaka nangale nava Kwao. Okudja opo nafye otwa ya monduda yetu tu kanangale. Eshi twaya monduda Iyambo okwa pula nge natango ta ti kutya oshike nda kalako oku kwali a tumange,” Hangula ta hokolola.
Okwa ti Iyambo okwa pata po ponduda ndele ta kufamo eeshapi mekumba.
“Okwa tameka ta tale koshi yombete ta kongo ekatana, nokonima okwa kufa ekatana ndele teli tula kombete. Ka kwali ndishishi ngeenge ekatana ote li longifa a tete nge shaashi ka kwali tau li ke e na omhepo yokulongela nge oushada,” Hangula ta hokolola .
Okwa ti okudja opo Iyambo okwe mulombwela kutya ote mu longele oilonga youshada.
“Okwa kufa ongodi ndele tei mangele mombada yonduda, nokonima okwa kufa ekatana ndele tameke okuteta ulange nomakata. Ondali oku kuwa mokule ashike ounona vange inava udange.
“Okwa teta nge moshipala, keenyala nokofingo nokinima onda ka fuda mokule ndele a ndili denge pedu. Eshi a mona kutya onde li denga pedu okwa li eshi ngeenge onda fya. Okwa endelela ndele tai mongodi ei kwali a tula mombada yonduda. Opa pita ashike okafimbo kashona yee okwa fya eshi eli tula meemango,” Hangula ta hokolola.
Okwa ti efiku olo ka kwali ta dulu okupopya shaashi okwa li a mona oshiponga moshipala nai.
“Onda nangala ashike pedu mexungu lohonde monduda muna omudimba waIyambo fiyo opotundi 07h00. Ongula eshi kwasha okaana aka koshiveli oke uya ponduda yetu taka ti ota ka i kofikola. Onde ka lombwela kutya naka lombwele ovashiinda ve uye va lombwele opolifi kutya omushamane wange okwa teta nge nomakatana ndele teli mangeleke,” Hangula ta hokolola.
Okwa ti eshi ovaashinda ve uya ova teya po omuvelo monduda yavo.
“Ovanhu ova hanga nge ndili mexungu lohonde, nokonima ova lopotela opolifi. Eshi opolifi ye uya onda twalwa koshipangelo shaShakati koICU shaashi okwa li ndili monghalo idjuu, omanga omudimba waIyambo owa twalwa kokila yopolifi yaShakati,” Hangula ta hokolola.
Okwa ti ota hepekwa komadilaadilo eshi omushamane waye afya onghee paife iha kofa vali.
Okwa kunghulila ovakainhu vakwao tava hepekwa kovalumenhu momaumbo opo va kale tava lopotele opolifi diva shaashi ovalumenhu ova nyika oshiponga.