New Era Newspaper

New Era Epaper
Icon Collap
...
Home / Ongeshefa yokuhondja iikutu otayi ende nawa …sho tadhi ti waka! monooli

Ongeshefa yokuhondja iikutu otayi ende nawa …sho tadhi ti waka! monooli

2019-08-15  Staff Reporter

Ongeshefa yokuhondja iikutu otayi ende nawa …sho tadhi ti waka! monooli

Victoria Kaapanda

ONGWEDIVA –Nande twa kala noku kema molwa oongeshefa ta dhi shongola medhina lyegwopevi lyoshimaliwa, Nampongo a yamukula omagalikano getu, unene oomwedhi adhihe ndhika.

Ndhoka odha popiwa komunangeshefa omunene gokuhondja iikutu Ndeshipanda Elago, ngoka e na oshinayeta shili moNeshila mOshakati tashi ithanwa Lagos Fashion Design.

“Oohango odhetu shuna kopate hoka kwali twa gwa ko uule wethimbo, ookasitoma otadhi ende lela nawa, ngaashi te popi ngeyi oshinayeta shandje osha udha iikutu. Yimwe kandi shi ngele otandi adhika nde yi mana, omanga omasiku ina ga adha”, Elago a ti ngaaka.

Moonkundathana naKundana Elago okwa ti, oomwedhi ndatu oomposi dha gwana po ine dhi mona oshoka oongodhi otadhi dhengwa kehe thimbo, ookasitoma ta dhi pula ngele iikutu yadho oya pwa okuhondjwa omanga yamwe taya pula natango ya hala oku hondjelwa.  

Ta gwedha po ta ti ota pandula oshoka aaNamibia oya eta po elundululo oshoka nale okwali haya landa ashike iikutu yokondje yoshilongo, oyo taya ka zala poohango dhawo omanga yo mba ye na oku ya hondjela ta ye ya thigi po, taya fala ashike imaliwa kondje yoshilongo.

Elago ta ti “ondi wete kutya epuko opo lya li mpoka.” Ashike nayo oya ka longa ya itula po opo ya galule ookasitoma dhawo.

Ngeno okwali ngaa osho tashi kala ngeyi ngeno noshimaliwa moshilongo shetu omo tashi kala, no itatu kalap o oku galula eliko lyooshilongo”, Elago ta ti ngaaka.

Ta ti aaNamibia naya kale yii hole yo naya isimaneke, ngele gumwe ina panda shoka a ningilwa na gandje omanyenyeto ge e ta ga pukululwa, naashoka otashi eta omalunduluko omawanawa, nehumokomeho.
Maria Negonga ngoka ha longo onge omuhondji moshinayeta sha Elago okwali a lombwele Kundana ta ti ngaashi mboka ye na oohango   dhi li muDecember, oya pula nale ya tamekelwe oku hondjelwa opo kaa ya ka tokithwe.

“Otuna oohango dhili 15 mEtitano ndika twa uka, na ntano dhili moshiwike tashi ya ngaashi ngeyi otwa mana po ashike dhili 11. Out na natango iikutu yoohango dhili ne, tu na oku dhi mana omanga Etitano inali adha,” Negonga ta ti.

Tati ota pandula lela oshoka ayehe yeli moshinayeta oonkulungu mokuhondja lela no ke wete tashi kala oshi dhigu oku mana iikutu mbyoka mule womasiku ngoka ga hupa ko.


2019-08-15  Staff Reporter

Tags: Khomas
Share on social media