New Era Newspaper

New Era Epaper
Icon Collap
...
Home / Onkalo yiimuna tayi pashiyona mondoolopa yaShakati ya nyengana

Onkalo yiimuna tayi pashiyona mondoolopa yaShakati ya nyengana

2022-09-05  Victoria Kaapanda

Onkalo yiimuna tayi pashiyona mondoolopa yaShakati ya nyengana

Ondoolopa yaShakati oya taalela eshongo lyiimuna tayi ende noku pashiyona mokati kondoolopa, oshinima shoka tashi vulu okueta iiponga.

Oshakati osha dhingolokwa komikunda, niimuna hayi zi komikunda hoka ohayi taakana omalukanda, tayi ende sigo opondingandinga yomondoolopa.

Imuna oyindji ohayi monika uusiku nomutenya tayi taaguluka oopate, tayi li omapakete oshowo ikulya ya ekelwahi momatoto ge li mondoolopa.

Aakalimo yomOshakati oshowo aahingi yiihauto oya ti oya kala noku nyenyeta kelelo lyondooloa kutya iimuna ohayi tondokele moopate omanga taya hingi shoka shanika oshiponga.

Omuhingi gotakisi John Shikongo okwa ti, mongaashingeyi oya itaala kutya ohaya topolelathana oopate niimuna.

 

“Ota tu ningi ngiini ngele ota tu lopota kwaambonga yena okukandula po uupyakandhi mbuka, ihe kapu na shoka tashi ningwa po,” ta nyenyeta ngaaka.

Shikongo ta ti, otaya indile ashike ooyene yiimuna ya kale taya kongolola iimuna ya wo.

Ta ti, unene ethimbo lyuusiku ohashi kala shanika oshiponga.

“Otatu ka kanitha oomwenyo ndhetu. Ha atuhe hatu monoko nawa uusiku,” ta ti ngaaka.

Omugandji gomauyelele melelo lyondoolopa lyaShakati Katarina Kamari okwa ti, oya kala noku kumagidha oshigwana shi kale aluhe tashi kongolola iimuna yasho opo kaayi thike moondoolopa ihe shika inashi pondola sha.

“Imuna tayi ende mondoolopa ohayi eta iiponga, ka shi li mondjila,” ta nyenyeta ngaaka.

Ta ti, sho tango ondoolopa yaShakati oya ndhingolokwa komikunda, onkene imuna ohayi tondokele mondoolopa sho tayi kongo iikulya.

“Otuna aahingi yiimuna, mboka haya hingi mo iimuna mondoolopa, taya fala koshigunda shetu [hoka iimuna hayi futilwa ko opo tuyi mangulule]. Ashike otwa taalela uupyakandhi woku futitha aakulupe iimuna mbyoka una tweyi kwata ko,” ta popi ngaaka.

Ta ti, oyindji oyaakulupe, ihe okufutila ko iimuna mbyoka ohashi kala uupyakandhi shoka hashi ya ndhigupalele ishiwe, oshoka ohaya kala yena oshinakugwanithwa sho ku palutha iimuna mbyoka, omanga yi li moshigunda shamuni.

“Ooyene yiimuna yamwe ohaya uvu ko sho ta tuya lombwele, ihe oyendji oye na eyitaalo kutya opo ya kala nale haya lithile iimuna  yawo. Otse twe ya okutunga pomahala guulithilo wawo,” ta popi ngaaka.

Ta ti, mboka owuupyakandhi ya taalela nooyene yiimuna.

Unene otaya indilwa ya longele kumwe nelelo lyondoolopa okuuva sho ta li ya kumagidha oshowo opo iiponga kaayi holoke.  

– vkaapanda@nepc.com.na


2022-09-05  Victoria Kaapanda

Share on social media