New Era Newspaper

New Era Epaper
Icon Collap
...
Home / Ookompiyuta dhopeke 37 dha mbokolwa mosikola Kleine Kuppe mOngwediva

Ookompiyuta dhopeke 37 dha mbokolwa mosikola Kleine Kuppe mOngwediva

2019-10-02  Staff Reporter

Ookompiyuta dhopeke 37 dha mbokolwa mosikola Kleine Kuppe mOngwediva
Top of a Page

Victoria Kaapanda

ONGWEDIVA–Opolisi mOshitopolwa shaShana oyi li molukongo lwaafuthi mboka ya ponokele osikola yopawumwene Kleine Kuppe nokuyaka mo  ookompiyuta dhopeke dhi li 37 mOngwediva ongulohi yOlyomakaya.                                        

Oomugandjimulombo nomagandji gomawuyelele gwopolisi moshitopolwa shaShana Thomas Aiyambo okwa ti oshiningwanima shoka osha li sha lopotwa omutenya gwOsoondaha, sho omukuluntusikola a li a yi kosikola esiku ndyoka niinakugwanithwa yi na sha nosikola.

“Ookompiyuta dhopeke dhi li 37 odha li dha yakwa mongulumambo yosikola noya li ya faalele ootyaatyela dhawo. Kape na nando uuyelele wa gwedhwa po kombinga yoshiningwanima sigo onena,” Aiyambo ta ti ngaaka.

Ta gwedha po ta ti ookompiyuta okwa li dhaalongwa nadhimwe dhaalongi. Ta ti osikola oya kanitha lela, oshoka oshilongwa tashi ithanwa Okompiyuta osho shimwe shomiilongwa aalongwa taya ka nyola mekonakono ya talela.

Nonande ongushu yookompiyuta ndhoka dhopeke adhihe kumwe inagu gandjwa natango, otadhi fekelwa dhi na ongushu yi vule N$259 000.

Aiyambo ota indile oshigwana shi longele kumwe nopolisi oku yi nothelako mpoka tapu fofodholwa omayinyengo gookompiyuta tadhilandithwa nenge dhi na mpa dha pungulwa opo ya lombwele  opolisi yopopepi.


2019-10-02  Staff Reporter

Tags: Oshana
Share on social media
Bottom of a page