New Era Newspaper

New Era Epaper
Icon Collap
...
Home / Oondjamba ne dha monika moKOngo

Oondjamba ne dha monika moKOngo

2022-01-11  Victoria Kaapanda

Oondjamba ne dha monika moKOngo
Top of a Page

Kansela gwoshikandjohogololo shOkongo moshitopolwa shaHangwena Efraim Shipindo okwa tumu etumwalaka moshigwana, opo shi kale sha kotekela oondjamba ndhoka dha ponokele moshitopolwa.

“Otwa lopotelwa oondjamba dhi li ne, ndhoka dha monika moshikandjohogololo shetu, ihe otatu indile moshigwana opo shi kale sha kotoka,” ta kumagidha.

Ta indile natango oshigwana kaashi ikuthile ooveta sho shi ninge sha oondjamba ndhoka uuwinayi.

Ta ti, oondjamba okwali dha monika momukunda Omana.

“Aanambelewa ya natili oyeli metifa oku gwanitha po ashihe shina okuningwa po, opo oondjamba ndhoka ndhi ze mo mokati kaantu,” ta ti ngaaka.

Kansela okwa kumagidha oshigwana kaashi mbandapale, omanga aanambelewa taya thiki. Omugandji gomauyelele muuministeli womindhingoloko iihwa nomataelepo Romeo Muyunda, okwa koleke oondjamba ndhoka. 

“Oondjamba ndhoka odha taaguluka okuza koshishiinda longo Angola, uusiku wOsoondaha,” ta fatulula ngaaka.

Ta ti, okwali dha ende dha uka koshitopolwa shaShikoto dha taalela kEtosha, ihe molwa oondhalate ondhindjidhindji dhali moondjila ndhawo, odhali dha monika tadhi shuna hu dha zi.

Muyunda ta ti, aanambelewa yawo oya kala taye ndhi litha, no ndhakala tandhi ende nombili.

“Moondjila adhihe dha ende, okwali dha ndhindhilikwa dha fulumo oopaipi ndhomeya momukunda gumwepo,” ta popi ngaaka.

Ta gwedhapo ta ti, oopaipi ka kwali dha teyagulwapo, ihe odha hilwamo ashike mevi.

“Sigo ompaka inapu lopotwa omuntu a monitha oshiponga koondjamba ndhoka,” Muyunda a koleke ngaaka.

Ta kumagidha oshigwana ta ti, kehe ngoka taka tsakaneka oondjamba moshitopolwa moka na kambandhale a ninge ekwatathano naanambelewa.

“Oondjamba odha nika oshiponga onkene hamuntu a ikuthile oovete momake ge mwene,” ta ti ngaaka.

Uuministeli otau tsikile okukondolola oondjamba ndhoka sigo dha zi mo moshitopolwa moka.

– vkaapanda@nepc.com.na  


2022-01-11  Victoria Kaapanda

Share on social media
Bottom of a page