Opolisi moshitopolwa shaShikoto otayi konakona oondjembo odhindji ndhoka dha adhika dha fumbikwa moTsumeb oshiwike sha zi ko.

Sha ikolela kepeko lyopolisi oshiningwanima shoka osha holoka momasiku gahetatu gaSepetemba nuumvo, lopokapale kuundhano gwoGolf.

Otaku hokololwa kutya oondjembo ndhoka okwa li dha monika kaaniilonga yehangano lyoku andjaneka omakwatathano lyoTelecom sho kwa li taya the omalambo goongodhi dhawo.

Otaku fekelwa kutya oondjembo ndhoka dha adhikwa dha kulupa noonkondo dha li dha fumbikwa po pethimbo lyiita yuuyuni ashike inaku monika natango kutya opiita yoWW1 nenge oWW2. 

Opolisi ngashingeyi oya tokola opo yoka fale oondjembo ndhoka komuseum yetanga lyegameno. 

Shoka osha holoka ashike omasiku omashona sho opolisi moshilongo oya indile oshigwana opo shi gandje oondjembo ndhoka inaashi hala we nenge kaadhi na oombapila kopolisi, no itapu ka kala nando omapulapulo gasha.

Tayi ti ndjika ompito ya gandjwa kaaNamibia ayehe, oshilongo ashihe.

– vkaapanda@nepc.com.na