New Era Newspaper

Icon Collap
...
Home / “Oosikola dhEpangelo odhi na ondilo ngaashi dhopaumwene,” Aavali taya ti

“Oosikola dhEpangelo odhi na ondilo ngaashi dhopaumwene,” Aavali taya ti

2022-01-10  Victoria Kaapanda

“Oosikola dhEpangelo odhi na ondilo ngaashi dhopaumwene,” Aavali taya ti
Top of a Page

Oositola  tadhi landitha iilongithomwa yosikola, odhi na omikweyo dha tsa pondje dhaavali taya landele aanasikola, mboka ya tameke osikola nena. 

Kundana sho a li a piti positola tayi ithanwa Waltons okwali a mono aavali yamwe ya kuutumba  pondje oshoka omukweyo omule, yo otaya ti oyaloloka.

Omolowa omukithi gwoCovid-19, yamwe oyali ya shunithwa pondje manga, oshoka ositola oyu udha, okuindika omangundumano. “Nonando natu ye koositola ndhimwe, okuudha ashike natango, kashi ivule,”ta popi ngaaka.

Maria Nekwaya a za komukunda  Omuthitu gonyama okwa ti, okuuvite nayi oshoka otalongitha oshimaliwa oshindji, okuya kondoolopa oshoka iinima mbyoka tayi pulwa koosikola kayiko koositola dhili popepi onkene okuna okuya koWaltons nenge koGame.

“Oosikola otadhi pula iinima oyindji unene, otayi tumonitha iihuna. Ngaye ihandi longo ihe okavenisa kandje tandi mono mokapana kandje okuuka ashike minima yosikola,” ta nyenyeta ngaaka.

Ta ti, kashi ivule osikola yi kale hayi futwa, oshoka paife epangelo olye tu tenteke ashike uundhigu. “Paife ohatu longitha oshimaliwa oshindji unene shi vulithe nale, sho aanona  kwali haya pewa omambo koosikola,” Nekwaya ta popi ngaaka.

Ta gwedha po ta ti, oosikola ndhepangelo paife kadhi ivule naandhoka dhopaumwene, odha ninga ondilo.

“Epangelo nali ete po elunduluko,” ta indile. “Onde ya po nale mpaka, paife onda ninga po owili, ihe ine mona natango ekwatho. Ositola oyu udha unene,” omuvali gumwe ta ti gaaka.

Ta gwedha po ta ti, ositola ndjika otuna okuyi kalela oshoka oyo yina iilongitho oyindji ya nyolwa momusholondondo gwa tumwa alongwa koosikola, oshowo oondando dhayo odhishi okwiindhindhimikilwa.

Okasitoma ya kehesiku yali tayi landa iinima yilwe mositola moka oya ti, aavali ohaya lombwela ya lande iinima yaanona omanga inaya ya mefudho, okuyanda omaupyakandhi gatya ngiika.

“Ositola ndjika osho ashike hayi kala yuudha ngiika, okuza ongula sigo okomatango,” ta popi ngaaka.

Kundana sho kwali a ningi omapekapeko moositola ndhimwe hadhi landitha iinima yoosikola, ngaashi Pep, Shoprite, Jet ,Game nandho okwali ndhi na omikweyo omileeleka


2022-01-10  Victoria Kaapanda

Share on social media
Bottom of a page