New Era Newspaper

New Era Epaper
Icon Collap
...
Home / Oositola odhindji dha shuna po oompango okukeelela oCovid-19 monooli

Oositola odhindji dha shuna po oompango okukeelela oCovid-19 monooli

2022-05-24  Victoria Kaapanda

Oositola odhindji dha shuna po oompango okukeelela oCovid-19 monooli
Top of a Page

 Oositola odhindji miitopolwa yomonooli odha shuna koompango nomalandulathano gokukeelela oompito dhokukwatwa komukithi goCovid-19. 

Okuza petameko lyomwedhi nguka, iipotha yoCovid 19 okwa li ya lopotwa tayi londo kehe esiku, shoka kwa li sha tula oshigwana momalimbililo. 

Iipotha yi vule po500 oya kala tayi lopotwa okuza oshiwike sha zi ko, shoka sha li sha kumitha oshoka nuumvo iipotha kakwa li ya kala tayi piti mo mo50. 

Nonando omupresidente gwoshilongo Hage Geingob okwa li a popi momasiku ga 5 gaMei kutya oompango dha kala po okuza omwedhi gwa yi itadhi lunduluka, moka mwa kwatelwa ezalo lyuumaska, oositola odhindji odha tula miilonga oompango ndhoka. 

“Uumaska itau dhengele, ihe ngoka a hala okwiigamena nokugamena kuume ke nenge kehe ngoka e li mekwatathano naye, na zale okamaska,” Presidente osho a li a popi ngaaka. 

Oositola dhimwe odha tsikile noompango dha li po nale kutya ngoka inaa zala okamaska ita yakulwa. 

Omuniilonga gumwe mositola Big Daddy mOshakati okwa li a shunitha ko ookasitoma inaadhi zala uumaska. 

“Oshi li ompinge nositola yetu okupita mositola inoo zala okamaska,” ta yelithile ookasitoma. 

Mariana Shikongo okwa li a yamukula kutya oompango dhokuzala uumaska moshilongo itadhi dhengele, oshi ke yena okufukwa mositola. 

“Oshike tu na okushunithwa ko omanga omupresidente a yelitha kutya okamaska otaka zalwa kwaangoka ashike a hala?” ta nyenyeta ngaaka. 

Oositola dhimwe ngaashi Omashako mOneshila odha tameke nokuninga omukwe yo pond j e , okuy anda engundumano meni lyositola. 

Iipotha okwa li ya ndhindhilikwa tayi indjipala, unene moshitopolwa shaKhomas. 

Uuministeli wuuhaku otau tsikile okukumagidha oshigwana shi kuthe onkatu yi li mondjila yokutuntilwa. 

“Okutuntilwa oko ashike taku vulu okukwathela meshonopalo lyompito yokukwatwa koCovid-19, oshoka natango inaku monika epango lyomukithi ngoka,” osho uuministeli wa ti ngaaka. 

Uuministeli owa ndhindhilike omukithi ngoka hagu taandele unene pethimbo ndika lyuutalala. – vkaapanda@nepc.com.na 


2022-05-24  Victoria Kaapanda

Share on social media
Bottom of a page