New Era Newspaper

New Era Epaper
Icon Collap
...
Home / Opolifi tai konakona oshibofa shomukainhu vati a dipaa okaana kaye

Opolifi tai konakona oshibofa shomukainhu vati a dipaa okaana kaye

2022-11-09  Festus Hamalwa

Opolifi tai konakona oshibofa shomukainhu vati a dipaa okaana kaye

Festus Hamalwa

Opolifi moshitukulwa shaKharas otai konakona oshibofa shomukainhu weedula 34 ou vati ta fekelwa medipawo lokaana kaye ka fya eshi vati kwa li ta kendabala oku ka xwikila meumbo.

Oshingwanima eshi osha ningwa meumbo lavo modoolopa Luderitz Etivali efimbo lomoshanga shomutenya. Omukonakoni woimbuluma wopolifi moshitukulwa shaKharas omupedu Commissioner Nicodemus Mbango okwa hokolola ta ti omufekelelwa kwa fiwa meumbo kuina e li nokaana kaye.

Vati eshi omukulupe a lukila meumbo ou e li oye ina yomufekelwa okwa nukilwa komufekelwa vati a hala okumudenga. Opolifi oya ti okudja opo omukulupe okwa faduka po ndele tai poushiinda a ka lopota kutya omona waye okwa hala okumudenga.

Vati eshi omukulupe e uya meumbo novashiinda ova hanga okaana ke li mokombifa ka nangala popepi nefiya lokutelekela ita ka dulu okufuda. Opolifi oya ti omufekelwa okwa tema eefiya nokohaasa shaashi vati mokombifa okwa li muna edima lohaasa.

Onghee vati okaana eshi ka twalwa koshipangelo oka xulifila mondjila. Opolifi oya hokolola tai ti omufekelwa ou e li ina yokaana ota fekelwa kutya oye ashike e na okukala kwa li ta kendabala okuxwikila okaana kaye meumbo.

Eshi vati opolifi ya ningila omukulupe omapulapulo okwa hokolola ta ti omufekelwa oku na vati oudu wopamadilaadilo onghee vati pamwe eshi osho sha e ta a ningile okaana kaye omunyonena.

Omufekelwa oku li moshipangelo ta mono epango kombinga youpyakadi woudu waye wopamadilaadilo, nomakonakono opolifi otaa tatwikile.  

fhamalwa@nepc.com.na

 


2022-11-09  Festus Hamalwa

Share on social media