New Era Newspaper

New Era Epaper
Icon Collap
...
Home / Opolifi ya tameka omakonaakono mediapao laWambalili

Opolifi ya tameka omakonaakono mediapao laWambalili

2021-08-10  Festus Hamalwa

Opolifi ya tameka omakonaakono mediapao laWambalili

Omakonaakono medipao lomulumenhu oo a yashwa nokudipawa kovapolifi mOhangwa oku li metifa. 

Omukulunhu wopolifi koshikondo shoku konaakona oimbuluma mOhangwena Deputy Commissioner Zacharia Amakali ota Omupolifi oo a yasha Lebbeus Shikondjele Wambalili (31) fiyo na mangwa po fiyo opapa, ashike omakonaakono omoule e nasha noshinima eshi oku li metifa. 

Wambili okwaa fya oshivike shadja ko eshi ye pamwe nomutwaalelwa waye womukainhu va yashwa kopolifi. Oshiningwanima eshi osha ningilwa momukunda Onaminda uli popepi nOshikango, moshitukulwa shaHangwena. Omukainhu ou a li naWambalili ye okwa monifwa oshiponga. 

Amakali okwa yelifa ta ti omunambelewa wopolifi ina kwatwa po fiyo opapa, onghee okwa ti oshiwana nashi xulife po okutandaveleka ouyelele woipupulu.

Wambalili okwa fya eshi a yashwa kopolifi efimbo lokonguloshi eshi kwa li ovapolifi tava kendambala opo va kanghameke otuwa ei kwa li tai ta shingi.

Vati opolifi oya kala nokunghameka otuwa yavo ashike Wambalili okwa kendambala opo a faduke po ta shingilile, nokonima omumbelewa wopolifi vati okwa umba ondjebo ndele tai yashe ovanhu vavali.

Omanga omukainhu ou vali naye eli motuwa okwa lemanekwa konima eshi a yashwa mokwooko nomombuda, nokuli paife moshipangelo shaShakati ta mono epango lopaunamiti.

Amakali okwa ti ouyelele otau kayandjwa ngeenge omangu ya mane oku ninga omakonakono.


2021-08-10  Festus Hamalwa

Share on social media