New Era Newspaper

New Era Epaper
Icon Collap
...
Home / Oshana Heroes Club tayi longekidha uudhano wobasketball

Oshana Heroes Club tayi longekidha uudhano wobasketball

2018-11-16  Shipi Elago

Oshana Heroes Club tayi longekidha uudhano wobasketball

Oshakati - Aakalimo yomOshakati niitopolwa yopopepi oombwa dha kwata odheni, sho Oshana Heroes Club tayi ke mu etela ethigathano lyaanuulema ye li kuutemba mOshakati ehuliloshiwike tali ya.

Josaphat Eve ngoka e li omugandjimulombo mokalaba ndjika okwa li a holola kutya otonamende ndjika oya tegelelwa opo yi ka kuthwe ombinga koosipana dhi thike pune dhaanuulema.

“Otwa tegelela wo oosipana tadhi zi kOvenduka unene tuu ndjoka yoWheelability, okalamba yaanuulema ye li kuutemba yomoVenduka ndjoka yi hole aluhe okukutha ombinga muudhano wetu,” Eve ta ti.

Okwa ti uudhano mbuka oha wu dhanwa kaadhani ye li kuutemba ta ya dhana etanga lyoBaskeball ngaashi naana ha li dhanwa kaantu mboka yena iilyo yiihwa po, na oha ya dhana naana ta ya endelele ngaashi oBasketball yina okudhanwa.
Tati otonamende ndjika oya li ye yi eta po oshoka nuumvo oya li ya ndopa oku unganeka uudhano waanuulema wopayitopolwa molwa ompumbwe yoshimaliwa.

Kakele kehangano lya Coca Cola ndyoka lye ya pa uumeya wopomunino ka pena we nando ogwumwe a yamukula onkugo yawo, onkene Eve ota indile aantu koohandimwe moshilongo opo ye ya yambidhidhe naashoka yena po yo yaw ape oku unganeka uudhano uuwanawa.

Kepulo kutya uudhano mbuka owuna omayehamo tu, Eve okwa li a yamukula kutya eeno uudhano mbuka owuna omayehamo nana ngaashi uudhano uukwa won a out li twa longekidha oAbulanisa ndjoka ta yi ka kala pokapale ethimbo kehe opo ngele opwa ningwa omayingwandjulo nena aadhani ota ya ka mona epango lyotango.
Ashike okwa ti ina ya tegelela naana omayehamo ogendji oshoka aadhani mbaka oye li yena otseyo yi li pombanda na oya kala muudhano mbuka ethimbo nuule.

“Aakalimo yomOshakati ileni opo mu ondodhe omeho geni ne mu yambidhidhe yakwetu mbaka yena uulema opo wo tuu yamone kutya oshigwana oshiyahole, na ina shi ya tula koshinyongo,”Eve ta ti.
Uudhano mbuka ota wu ka dhanwa muule wesiku limwe na ota wu ka dhanenwa pokapale kemanguluko mOshakati.
 


2018-11-16  Shipi Elago

Tags: Oshana
Share on social media